અમેરિકાના કેલિફોર્નિયામાં બે ગર્લ્સ પર વિક્ટોરિયા સીક્રેટના સ્ટોરમાંથી 11 હજાર ડૉલર એટલે કે રુ.7 લાખની કિંમતની બ્રા ચોરી કરવાનો આરોપ લાગ્યો છે. ધરપકડ કરવામાં આવેલ ગર્લ્સમાં 22 વર્ષની બ્લેંકા થાલિયા ક્વિંતેરો અને 19 વર્ષની એંટાને સામેલ છે.
અધિકારીઓએ કહ્યું કે, તેમને રાતના 8 વાગ્યે વિક્ટોરિયા સિક્રેટમાંથી ઈમર્જન્સી કોલ આવ્યો હતો. ત્યાં પહોંચતા સ્ટોર કર્મચારીઓએ જણાવ્યું કે બે ગર્લ્સ વિખ્યાત બ્રાંડ્સ વિક્ટોરિયા સિક્રેટની બ્રા સ્ટોરમાંથી ચોરી કરીને ભાગતી હતી. જેને રોકવા કર્મચારીએ પ્રયાસ કરતા ગર્લ્સે તેના પર પેપર સ્પ્રે છાંટ્યો હતો અને ભાગી ગઈ હતી.
જોકે, કર્મચારીઓએ પોલીસને તે ગર્લ્સ જે દિશામાં ભાગી હતી તે દેખાડ્યા બાદ પોલીસે થોડીવારમાં બંને ગર્લ્સને રસ્તા પરથી પકડી પાડી હતી. પોલીસે તેમની પાસેથી સ્ટોરમાંથી ચોરી કરેલ કપડા કબ્જે કર્યા હતા. તેમજ તેની પાસે રહેલ પેપર સ્પ્રેને પણ જપ્ત કરવામાં આવ્યો હતો. બંને સામે લૂટ અને ગેરકાયદેસર રીતે પેપર સ્પ્રેના ઉપયોગનો ગુનો નોંધવામાં આવ્યો છે.