Why business class seats often empty: બિઝનેસ ક્લાસની સીટો હંમેશા ખાલી કેમ રહે? તમે સરળતાથી અપગ્રેડ કેમ નથી કરી શકતા? જાણો કારણ!
Why business class seats often empty: વિમાનમાં મુસાફરી ઝડપભરી અને સુવિધાયુક્ત છે, પરંતુ હવાઈ મુસાફરી અન્ય વિકલ્પો કરતાં મોંઘી હોય છે. ખાસ કરીને બિઝનેસ ક્લાસની સીટો ઘણીવાર ખાલી જોવા મળે છે, છતાંય એરલાઇન્સ આ સીટોને સરળતાથી અપગ્રેડ આપતી નથી. તમે વિચારતા હશો કે આ કેમ થાય છે? તો તેની પાછળ કેટલીક વ્યૂહાત્મક અને વ્યાપારી કારણો છે.
વિમાન કંપનીઓ માટે બિઝનેસ ક્લાસની સીટો ફક્ત ભરવી જરૂરી નથી, પણ આથી મહત્તમ નફો મેળવવો એ મુખ્ય ઉદ્દેશ હોય છે. આ ટિકિટો સામાન્ય રીતે ઇકોનોમી ક્લાસ કરતા 3 થી 10 ગણી મોંઘી હોય છે, અને મોટાભાગે વ્યવસાયિક મુસાફરો કે પછી છેલ્લી ઘડીએ બુકિંગ કરનારા લોકો માટે આરક્ષિત હોય છે. જો આ સીટો મફતમાં અપગ્રેડ આપવામાં આવે, તો એરલાઇન્સને મોટા નુકસાનનો સામનો કરવો પડે.
સાથે જ, કેટલાક વીવીઆઈપી કે ફર્સ્ટ-ક્લાસ મુસાફરો માટે બિઝનેસ ક્લાસની અમુક સીટો રિઝર્વ રાખવામાં આવે છે, જેથી કોઈ અનિચ્છનીય પરિસ્થિતિ આવે તો તેને સરળતાથી વ્યવસ્થિત કરી શકાય.
વિશેષત્વની છાપ જાળવી રાખવા માટે પણ અપગ્રેડ આપવાનું ટાળવામાં આવે છે. જો વારંવાર ઉડતા મુસાફરોને નિયમિત અપગ્રેડ આપવામાં આવે, તો બિઝનેસ ક્લાસની ખાસિયત અને વૈભવી અનુભવ ધીરે ધીરે સામાન્ય બની જાય.
આજની સ્પર્ધાત્મક હવાઈ ઉદ્યોગમાં, એરલાઇન્સ માટે નફા અને સ્ટ્રેટેજી જ મહત્વની હોય છે, એટલા માટે બિઝનેસ ક્લાસની ખાલી સીટો હોવા છતાં અપગ્રેડ સહેલાઈથી આપવામાં આવતું નથી.
