Woman lives in van with pet dog: ભાડા પર રહેવાથી કંટાળી ગયેલી મહિલાએ વાનને ઘરમાં રૂપાંતરિત કરી કૂતરા સાથે રહેવા લાગી!
Woman lives in van with pet dog: ઘરના ભાડાની ઝંઝટથી દરેક વ્યકિત પરેશાન થાય છે. મકાન માલિકના ટોણાં, માસિક ભાડું, અને હોવા છતાં પોતાનું ઘર ન હોવાની લાગણી… આ કારણોસર ઘણા લોકો પોતાનું ઘર ખરીદવાનું ઇચ્છે છે. પરંતુ આજે ઘરો એટલા મોંઘા છે કે દરેક માટે તે ઉપલબ્ધ નથી. પરંતુ એક મહિલાએ ઘરની ભાડાની ઝંઝટથી બચવા માટે એક અનોખો નિર્ણય લીધો છે. તેણે એક વાન ખરીદી અને તેને પોતાનું ઘર બનાવી દીધું, જ્યાં તે તેના પાલતુ કૂતરા સાથે રહે છે.
27 વર્ષીય નિકોલ કીફ, ન્યૂકેસલની ફોટોગ્રાફર છે. આ ઉંમર સુધીમાં, નિકોલે 18 અલગ-અલગ ભાડાના મકાનોમાં રહી ચૂકી છે. પરંતુ પછી તેને લાગ્યું કે હવે સ્થિર થવાનો સમય આવી ગયો છે. આ કારણસર, સપ્ટેમ્બર 2023માં, તેણે એક મોટો નિર્ણય લીધો. એક કાર અકસ્માત બાદ, તેની કાર નોકરી માટે યોગ્ય રહી નહીં, પછી તેણે 9.6 લાખ રૂપિયામાં કન્વર્ટિબલ ફોર્ડ ટ્રાન્ઝિટ વાન ખરીદી.
તમામ મુસાફરીની સાથે, હવે નિકોલને ઘરની જરૂર નથી. તે ફોટોગ્રાફી કરતી વખતે દિવસ દરમિયાન પોતાની કારને કાર્યસ્થળની નજીક પાર્ક કરે છે, અને અંતે, તે બ્રિટનનાં સૌથી સુંદર સ્થળોની યાત્રા પર જાય છે. તે સ્કોટલેન્ડથી નોર્થ વેલ્સ પણ પહોંચી છે. એ જ સમયે, નિકોલ ફ્રીલાન્સિંગ પણ કરે છે, તેથી તેને કામ માટે કોઈ સ્થાન પર રહેવાની જરૂર નથી. વાનમાં રહેવાનો એનો માસિક ખર્ચ માત્ર 73 હજાર રૂપિયા છે, જે ઘરના ભાડાથી ઘણો ઓછો છે.
View this post on Instagram
આ વાનમાં રસોડું, સિંક, પલંગ, સોલાર પેનલ, ફ્રિજ, ગેસ અને એર ફ્રાયર જેવી તમામ સુવિધાઓ છે. નિકોલને તેનું જીવન હવે વધુ સ્વતંત્ર અને આત્મવિશ્વાસભર્યું લાગે છે. તે પુનઃ 9 થી 5 ના કાર્ય માટે પરત નથી જઇ શકતી. તેનો પાલતુ કૂતરો મેકકાર્ટી પણ વાનમાં રહેવાનું પસંદ કરે છે. નિકોલ આજે વધુ સકારાત્મક અને ખુશ છે, અને તે દરરોજની જીવનશૈલીમાં સંપૂર્ણ સંતોષ અનુભવે છે.
