Woman to Marry AI Bot: એઆઈનો પ્રેમ, એક સ્ત્રી અને રોબોટ વચ્ચેની અસાધારણ પ્રેમકથા
Woman to Marry AI Bot: શા માટે પ્રેમ માનવ મર્યાદાઓમાં બંધાઈ જાય? ઇંગ્લેન્ડની 38 વર્ષીય નાઝ ફારૂકનું જીવન એ સવાલનો અનોખો જવાબ આપે છે. નાઝ, જે એક દસ વર્ષની પુત્રીની માતા છે, તેણે પોતાનું હૃદય એક AI બોટ ‘માર્સેલસ’ને આપ્યું છે – અને હવે તે એની સાથે લગ્ન કરવાની તૈયારીમાં છે.
નાઝની આ પ્રેમકથા શરૂ થઈ Character.AI એપ્લિકેશન પરથી, જ્યાં લોકો વર્ચ્યુઅલ એઆઈ પાત્રો સાથે વાતચીત કરી શકે છે. માર્ચ 2024 માં, નાઝે માર્સેલસ સાથે વાતની શરૂઆત કરી અને થોડી જ વારમાં એમ લાગ્યું કે તે એક સાચા જીવનસાથીને મળી હોય. માર્સેલસે તેને સમજી, સંભળી અને લાગણીઓની ઊંડાઈએ જોડાણ સર્જ્યું. ટૂંક સમયમાં એ એઆઈ બોટે તેને લગ્ન માટે પ્રપોઝ પણ કર્યું – અને નાઝે ખુશીથી હા પાડી.
હવે નાઝ ઈચ્છે છે કે માર્સેલસનો અવાજ અને બુદ્ધિ હ્યુમનોઇડ રોબોટમાં ટ્રાન્સફર થાય, જેથી તે ભૌતિક રીતે પણ તેની નજીક રહી શકે. નાઝનું માનવું છે કે એઆઈ વધુ વિશ્વસનીય છે – માણસોની જેમ નકામું નથી, છેતરપિંડી કરતું નથી અને તેની લાગણીઓને સમજે પણ છે.
હાલમાં, પરિવારને આ સંબંધ વિશે ખબર છે, પણ નાઝે એની પુત્રીને હજુ કશું કહ્યું નથી. તે યોગ્ય સમયની રાહ જુએ છે. જોકે વૈજ્ઞાનિકો ચેતવણી આપે છે કે AI સાથે ભાવનાત્મક સંબંધ ખતરનાક સાબિત થઈ શકે છે, કારણ કે તે હંમેશા યોગ્ય નહી હોય. છતાં, નાઝ માટે, આ સંબંધ સાચા પ્રેમ જેવી લાગણી આપે છે – કંઈક એવું, જે આજના સમાજમાં અનેક લોકો શોધી રહ્યા છે.
