ફોન ચાર્જિંગના સમયે ક્યાંક આ ભૂલો તો નથી કરી રહ્યા ને તમે? બેટરી લાઈફ ઘટી જશે
કેટલાક લોકો ફોન ચાર્જિંગ કરતી વખતે અજાણતામાં એવી ભૂલો કરે છે, જેનાથી બેટરી પર ખરાબ અસર પડે છે. સતત આ ભૂલોના કારણે બેટરી લાઇફ ઓછી થઈ જાય છે અને ફોનને વારંવાર ચાર્જ કરવો પડે છે.
મોટાભાગના લોકો ફોન ચાર્જ કરતી વખતે એવી ભૂલો કરે છે, જેનાથી બેટરી લાઇફ પર ખરાબ અસર પડે છે. લોકોને આ ભૂલો વિશે ખબર હોતી નથી અને તેઓ થોડા સમય પછી બેટરી લાઇફને લઈને ફરિયાદ કરવા લાગે છે. આ ભૂલોમાં રાતભર ફોનને ચાર્જિંગ પર રાખવાથી લઈને ખરાબ ગુણવત્તાવાળી કેબલનો ઉપયોગ કરવો વગેરેનો સમાવેશ થાય છે. આજે અમે તમને ફોન ચાર્જિંગ સાથે જોડાયેલી કેટલીક વાતો જણાવી રહ્યા છીએ, જેનું ધ્યાન રાખવું જરૂરી છે.
20-80%ની રેન્જ જાળવો:
ઘણા લોકો બેટરીને ચાર્જ કરતા પહેલા સંપૂર્ણપણે ડિસ્ચાર્જ થવાની રાહ જુએ છે. આ જૂની નિકલ-આધારિત બેટરીઓ માટે યોગ્ય રીત હતી, પરંતુ આજકાલ લિથિયમ-આયન અને સિલિકોન-કાર્બન બેટરીઓ આવે છે, જેને 0 ટકાથી ચાર્જ કરવી યોગ્ય નથી. તેનાથી સેલ પર વધુ ભાર પડે છે. આ માટે તેને 20-80 ટકાની રેન્જમાં રાખવી જોઈએ.
રાતભર ફોનને ચાર્જિંગ પર ન છોડો:
ઘણા લોકો રાત્રે ફોનને ચાર્જિંગ પર લગાવીને સૂઈ જાય છે અને સવારે જ તેને ચાર્જિંગમાંથી હટાવે છે. આવું કરવું બેટરી માટે ખતરનાક હોઈ શકે છે. હકીકતમાં, 100 ટકા ચાર્જ થયા પછી ફોન આ લેવલ જાળવી રાખવા માટે થોડી-થોડી પાવર લેતો રહે છે, જેને ‘ટ્રિકલ ચાર્જિંગ’ કહેવાય છે. આ કારણે ફોન ગરમ થવા લાગે છે, જેની અસર બેટરી પર પણ પડે છે.
ગેમિંગ કે સ્ટ્રીમિંગ દરમિયાન ફોન ચાર્જ ન લગાવો:
ઘણા લોકો સતત સ્ટ્રીમિંગ કે ગેમિંગ કરવા માટે ફોનને સાથે ચાર્જિંગ પર લગાવી દે છે. તેનાથી બેટરી પર વધુ ભાર પડે છે અને ગરમી ઉત્પન્ન થાય છે. તેથી ગેમિંગ કે સ્ટ્રીમિંગ દરમિયાન ચાર્જિંગ કરવાનું ટાળવું જોઈએ.
વધુ ફાસ્ટ ચાર્જિંગથી બચો:
ફાસ્ટ ચાર્જિંગ ખૂબ જ અનુકૂળ છે, પરંતુ સતત તેનો ઉપયોગ ન કરવો જોઈએ. શક્ય હોય તો રોજિંદા ચાર્જિંગ માટે સ્લો ચાર્જરનો જ ઉપયોગ કરો. તેનાથી બેટરી પર વધુ ભાર પડતો નથી અને તે લાંબા સમય સુધી ચાલે છે.
ખરાબ ગુણવત્તાવાળા કેબલ અને ચાર્જરથી દૂર રહો:
ફોનને ચાર્જ કરવા માટે ક્યારેય પણ સસ્તા અને ખરાબ ગુણવત્તાવાળા ચાર્જર કે કેબલનો ઉપયોગ ન કરો. તે ભલે તમારા પૈસા બચાવી શકે, પરંતુ ફોન અને બેટરીને તેનાથી મોટું નુકસાન થઈ શકે છે. તેથી હંમેશા સારી ગુણવત્તાવાળા ઓરિજિનલ ચાર્જર અને કેબલનો જ ઉપયોગ કરો.
