અમદાવાદથી શરૂ થશે અરિજીત સિંહનો મ્યુઝિકલ ટૂર, જુઓ આખી લિસ્ટ!
પ્રસિદ્ધ સિંગર અને મ્યુઝિક કંપોઝર અરિજીત સિંહે પોતાના કરોડો ચાહકોને એક ખૂબ જ મોટી ખુશખબરી આપી છે. આ જ વર્ષે જાન્યુઆરીમાં જ્યારે અરિજીતે પ્લેબેક સિંગિંગમાંથી સન્યાસની જાહેરાત કરી હતી, ત્યારે તેમના ફેન્સનું દિલ તૂટી ગયું હતું. પરંતુ હવે ચાહકો માટે રાહતના સમાચાર એ છે કે તેઓ ફરી એકવાર લાઈવ કોન્સર્ટ દ્વારા પોતાના સુંદર અવાજથી મહેફિલ જમાવવા આવી રહ્યા છે. અરિજીતે પોતાના સત્તાવાર ‘ઇન્ડિયા ટૂર’ (Arijit Singh India Tour) ની જાહેરાત કરી દીધી છે, જે અંતર્ગત તેઓ ભારતના કુલ 9 મુખ્ય શહેરોમાં લાઈવ પરફોર્મ કરશે.
અરિજીત સિંહે સોશિયલ મીડિયા પર આ ટૂરની સંપૂર્ણ વિગતો શેર કરી છે. તેમના ઓફિશિયલ Instagram હેન્ડલ પર શેર કરવામાં આવેલી માહિતી મુજબ, આ શાનદાર મ્યુઝિકલ સફરની શરૂઆત નવા વર્ષ એટલે કે 9 જાન્યુઆરી 2027 ના રોજ અમદાવાદથી થશે અને 15 મે 2027 ના રોજ હૈદરાબાદમાં તેનું સમાપન થશે.
અરિજીત સિંહ ઇન્ડિયા ટૂરની સંપૂર્ણ શહેર-વાર યાદી (City-Wise Dates):
અમદાવાદ: 9 જાન્યુઆરી 2027
ચંદીગઢ: 23 જાન્યુઆરી 2027
જયપુર: 7 ફેબ્રુઆરી 2027
મુંબઈ: 20 ફેબ્રુઆરી 2027
બેંગલુરુ: 13 માર્ચ 2027
દિલ્હી: 27 માર્ચ 2027
પુણે: 10 એપ્રિલ 2027
ઈન્દોર: 1 મે 2027
હૈદરાબાદ: 15 મે 2027
અરિજીતે પોતાની પોસ્ટમાં શું લખ્યું છે?
ઇન્સ્ટાગ્રામ પર ટૂરની જાહેરાત કરતા એક ખૂબ જ સુંદર નોટ પણ શેર કરવામાં આવી છે— “ભારત, અરિજીત સિંહ ટૂર પર જઈ રહ્યા છે. તે ગીતો પાછળનો અવાજ, જે પ્રેમની કહાનીઓ, દિલ તૂટવાની ક્ષણો, મોડી રાતની ડ્રાઈવ અને બાકીના દરેક પ્રસંગે આપણી સાથે રહ્યા છે. તમે તેમના ગીતો હજારો વખત સાંભળ્યા હશે, હવે તેમને લાઈવ સાંભળો.” આ જાહેરાત બાદથી જ સોશિયલ મીડિયા પર ફેન્સમાં ભારે ઉત્સાહ જોવા મળી રહ્યો છે.
ક્યારે અને કેવી રીતે બુક કરશો ટિકિટ્સ?
ક્યારે અને કેવી રીતે બુક કરશો ટિકિટ્સ?જો તમે પણ અરિજીત સિંહના મધુર અવાજને લાઈવ સાંભળવા માંગતા હોવ, તો ટિકિટ બુકિંગની તારીખો નોટ કરી લો:
પ્રી-સેલ્સ (Pre-Sales): 11 ઓક્ટોબર 2026થી શરૂ થશે.
જનરલ સેલ્સ (General Sales): 13 ઓક્ટોબર 2026થી તમામ લોકો માટે ટિકિટ્સ ઉપલબ્ધ થઈ જશે.
હાલમાં શું કરી રહ્યા છે અરિજીત?
ભલે અરિજીત સિંહે પ્લેબેક સિંગિંગમાંથી સન્યાસ લીધો હોય, પરંતુ તેમના દ્વારા અગાઉ સાઈન કરવામાં આવેલા પ્રોજેક્ટ્સના ગીતો હજુ પણ રિલીઝ થઈ રહ્યા છે. તેમનું તાજેતરનું રિલીઝ થયેલું ગીત ‘પુરાને દિન’ ફિલ્મ ‘પહેલા પ્યાર દૂસરી બાર’ માટે છે. આ ઉપરાંત, આ જ વર્ષે 24 ડિસેમ્બરે રિલીઝ થનારી શાહરૂખ ખાનની ચર્ચિત ફિલ્મ ‘કિંગ’માં પણ તેમનો અવાજ સાંભળવા મળશે.
તો તમારી તૈયારીઓ શરૂ કરી દો, કારણ કે વર્ષ 2027 ની શરૂઆત સંગીતના આ સૌથી મોટા ઉત્સવ સાથે થવા જઈ રહી છે!
