Numerology અંકશાસ્ત્ર અનુસાર 3, 5 અને 6 નંબરની છોકરીઓને તેમના જીવનસાથી માટે માનવામાં આવે છે ખૂબજ ભાગ્યશાળી
Numerology અંકશાસ્ત્ર એક એવી પ્રાચીન શાસ્ત્રીય પદ્ધતિ છે જે વ્યક્તિના જન્મ તારીખના આધારે તેના સ્વભાવ અને ભવિષ્ય વિશે માહિતી આપે છે. જન્મ તારીખના કુલ અંકોનો જોડાણ કરીને વ્યક્તિનો મૂલાંક નક્કી થાય છે, જે 1થી 9 સુધીનો હોઈ શકે છે. આજે આપણે જાણીશું એ અંકો વિશે, જેને ધરાવતી સ્ત્રીઓ તેમના પતિ માટે ખૂબજ શુભફળદાયી સાબિત થાય છે.
મૂલાંક 3 – પરિવારની લાડલી અને પતિ માટે લાવે છે નસીબ
મૂલાંક 3 ધરાવતી છોકરીઓનો જન્મ 3, 12, 21 અથવા 30 તારીખે થયો હોય છે. આ અંકનો ગ્રહ ગુરુ છે, જે જ્ઞાન, ધર્મ અને સમૃદ્ધિ સાથે સંકળાયેલો છે. આવી છોકરીઓ સમજદાર, વાચાળ અને સહૃદય હોય છે. લગ્ન પછી તેઓ સાસરીયાઓમાં સહજ રીતે રમી જાય છે અને ઘરનાં બધાં સભ્યો સાથે સારો સંબંધ જાળવે છે.
લાભ: તેમના આગમનથી ઘરમાં શાંતિ અને પતિના ભાગ્યમાં વૃદ્ધિ થાય છે.
મૂલાંક 5 – બુદ્ધિશાળી અને પતિ માટે પ્રગતિનું કારણ
5, 14 કે 23 તારીખે જન્મેલી છોકરીઓ મૂળાંક 5 ધરાવે છે. બુધ ગ્રહના પ્રભાવથી તેઓ વાતચીતમાં નિષ્ણાત, હોશિયાર અને કાર્યક્ષમ હોય છે. તેઓ પોતાનો વ્યવસાય કે કારકિર્દી ખૂબ સુદૃઢ બનાવી શકે છે. લગ્ન પછી, ઘરમાં નાણાકીય લાભ, સ્થિરતા અને નવી તકો ઊભી થાય છે.
લાભ: પતિની આવકમાં વૃદ્ધિ અને વ્યવસાયમાં સફળતા મળે છે.
મૂલાંક 6 – વૈભવી જીવનશૈલી અને પ્રેમાળ સંબંધો
6, 15 અથવા 24 તારીખે જન્મેલી સ્ત્રીઓનો મૂળાંક 6 હોય છે. શુક્ર ગ્રહના અસરથી તેઓ આકર્ષક, આર્ટસ્ટિક અને પ્રેમાળ સ્વભાવની હોય છે. આ મહિલાઓ ઘરના વાતાવરણને હંમેશાં સુંદર અને આનંદમય રાખે છે.
લાભ: પતિના જીવનમાં ધન, વૈભવ અને પ્રેમભર્યુ વાતાવરણ લાવે છે.
અંકશાસ્ત્ર અનુસાર, 3, 5 અને 6 મૂળાંક ધરાવતી મહિલાઓ માત્ર પોતાની જ નહી, પણ પોતાના જીવનસાથીના નસીબને પણ ચમકાવે છે. તેમના જીવનમાં આગમનથી ઘરમાં સુખ, શાંતિ અને આર્થિક સમૃદ્ધિની વૃદ્ધિ જોવા મળે છે.
