વલસાડના જિલ્લાના વલસાડથી 40 કિલોમીટર દૂર અરબ સાગરમાં વહેલી સવારે 1. 8 નો ભૂકંપનો આંચકો અનુભવાયો હતો. નવાઈની વાત એ હતી કે આંચકાનું કેન્દ્ર બિન્દુ વલસાડ નજીક અરબ સાગરમાં નોંધાયુ છે જ્યારે ભૂકંપની અસર ઇસ્ટ તરફ, કપરાડાના નાનાપોંઢા, અરનાલા અને ચીવલ ગામમાં વર્તાઇ છે.
આ વિસ્તારમાં વહેલી પરોઢે ભૂકંપના આફ્ટર શોકે લોકોમાં ગભરાટનું વાતાવરણ સર્જયુ હતુ અને મીઠી નિંદરમાંથી લોકોને સફાળા જગાડ્યા હતા. આંચકાની તિવ્રતા રિક્ટર સ્કેલ પર 1. 8ની બતાવાઈ છે. સિસ્મોલોજીકલ સેન્ટર ગાંધીનગરના રિપોર્ટ મુજબ આ આંચકો વહેલી સવારે 6:04 વાગ્યે આવ્યો છે. જે રિક્ટર સ્કેલ પર 1. 8 મેગ્નિટ્યુડ નોંધાયો હતો. ભૂકંપનું કેન્દ્રબિન્દુ વલસાડથી 40 કિમી દૂર અરબ સાગરમાં નોંધાયુ છે. જે લેટીટ્યુડ 20.325 જ્યારે લોંગીટ્યુડ 73.690 સાઉથ સાઉથ વેસ્ટ દક્ષિણ ગુજરાતમાં નોંધાયુ છે. ભૂકંપ જમીનમાં 8.4 કિમી. ઉંડાઇએ ઉદભવ્યો હતો. પરંતુ તેની અસર તેનાથી ઉલ્ટી દિશા એટલે કે પૂર્વ તરફના કપરડાના નાનાપોંઢા, અરનાલા, ચીવલ સહીતના ગામડામાં વર્તાઇ હતી. લોકોના જણાવ્યા મુજબ સવારે 6.6 મિનિટે જમીનમાંથી ગડગડાટી જેવો અવાજ આવ્યો હતો. અને ઘરમાં વાસણ ખખડવાનો, પલંગના ટેબલના પાયા, દિવાલો અને છત હલવાનો અવાજ આવ્યો હતો. ભૂકંપના આંચકાના પગલે લોકો ઠંડીમાં મીઠી નિંદરમાથી સફાળા જાગીને ઘર બહાર દોડી આવ્યા હતાં.
ઉલ્લેખનીય છે કે દર વર્ષે શિયાળાની ઋતુમાં કપરાડા વિસ્તારમાં આ પ્રકારે ભૂકંપના આંચકા વર્તાતા આવ્યા છે. અને તે અંગે સિસ્મોલોજી વિભાગ દ્વારા વિવિધ સ્થળે તપાસ પણ કરવામાં આવી છે. અને આ પ્રકારના ભૂકંપના આંચકા આફ્ટર શોક હોવાનું તારણ આપી ચૂક્યા છે, જો કે કપરાડા વિસ્તાર વનરાજીથી ઘેરાયેલ ડૂંગરાળ વિસ્તાર હોય અંહી આફ્ટર શૉકનો પણ અનુભવ લોકોને થાય છે અને એટલે ભૂંકપના ગભરાટમાં લોકો સાવચેતીના ભાગરૂપે ઘર બહાર દોડી આવે છે.
Dipal
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.