ખાનગી કંપનીઓને જોરદાર ટક્કર: BSNL એ માત્ર ₹૫૧ માં રજૂ કર્યો ૨૮ દિવસનો અદભુત પ્લાન, જાણો કોને મળશે લાભ અને શું છે સમય મર્યાદા
આજના મોંઘવારીના જમાનામાં જ્યારે ખાનગી ટેલિકોમ કંપનીઓએ પોતાના રિચાર્જ પ્લાનના ભાવ આકાશે આંબી દીધા છે, ત્યારે સામાન્ય મધ્યમવર્ગીય નાગરિક માટે મોબાઈલનું માસિક બજેટ જાળવવું મુશ્કેલ બની ગયું છે. ખાનગી કંપનીઓના વધતા ભાવથી પરેશાન ગ્રાહકો માટે સરકારી ટેલિકોમ કંપની ભારત સંચાર નિગમ લિમિટેડ (BSNL) એક મોટો તારણહાર બનીને સામે આવી છે.
બીએસએનએલ દ્વારા સમયાંતરે ગ્રાહકોના ખિસ્સાને પરવડે તેવા સસ્તા અને આકર્ષક પ્લાન લોન્ચ કરવામાં આવે છે. આ કડીમાં કંપનીએ પોતાના ઓફિશિયલ સોશિયલ મીડિયા એકાઉન્ટ પરથી એક એવા ધમાકેદાર પ્રીપેડ પ્લાનની જાહેરાત કરી છે, જે સ્માર્ટફોન યુઝર્સની વચ્ચે ચર્ચાનો વિષય બન્યો છે. માત્ર ચા-નાસ્તાના ખર્ચમાં ૨૮ દિવસની વેલિડિટી સાથે અનલિમિટેડ કોલિંગ અને રોજનો ૨ જીબી (2GB) ડેટા આપતો આ પ્લાન માર્કેટમાં ધૂમ મચાવી રહ્યો છે.
સરકારી ટેલિકોમ કંપની ભારત સંચાર નિગમ લિમિટેડ (BSNL) એ પોતાના ગ્રાહકોના બેઝને મજબૂત કરવા અને વધુ ને વધુ નવા યુઝર્સને પોતાના તરફ આકર્ષવા માટે અત્યાર સુધીનો સૌથી સસ્તો અને કિફાયતી પ્રીપેડ પ્લાન બજારમાં ઉતાર્યો છે. કંપનીએ પોતાના સત્તાવાર X (અગાઉનું ટ્વિટર) હેન્ડલ દ્વારા આ પ્લાનની સત્તાવાર જાહેરાત કરીને માર્કેટમાં હલચલ મચાવી દીધી છે. આ પ્લાન ખાસ કરીને એવા લોકો માટે આશીર્વાદરૂપ સાબિત થશે જેઓ ઓછા બજેટમાં લાંબી વેલિડિટી અને વધુ ડેટાની ઈચ્છા રાખે છે.
માત્ર ₹૫૧ માં સુવિધાઓનો મોટો ધમાકો
બીએસએનએલ દ્વારા રજૂ કરવામાં આવેલા આ નવા પ્રીપેડ પ્લાનની કિંમત માત્ર ₹૫૧ નક્કી કરવામાં આવી છે. આ પ્લાન હેઠળ ગ્રાહકોને પૂરા ૨૮ દિવસની લાંબી વેલિડિટી (માનયતા) આપવામાં આવે છે. એટલું જ નહીં, આ પ્લાન ખરીદનારા યુઝર્સને સમગ્ર ભારતમાં કોઈપણ નેટવર્ક પર વાત કરવા માટે સંપૂર્ણપણે અનલિમિટેડ વોઈસ કોલિંગ (અમર્યાદિત કોલિંગ) ની સુવિધા મળે છે. તેની સાથે આખા દેશમાં ફ્રી નેશનલ રોમિંગ પણ ઉપલબ્ધ છે, એટલે કે તમે મુસાફરી દરમિયાન અન્ય રાજ્યોમાં હોવ તો પણ કોઈ એક્સ્ટ્રા ચાર્જ ચૂકવવો પડશે નહીં.
ડેટા અને એસએમએસની પણ સુવિધા
ઇન્ટરનેટનો ભરપૂર ઉપયોગ કરનારા યુઝર્સ માટે પણ આ પ્લાનમાં મોટી ભેટ છુપાયેલી છે. ગ્રાહકોને આ પ્લાનમાં દરરોજ ૨GB (2GB Daily) હાઇ-સ્પીડ ડેટા વાપરવા મળશે. એટલે કે ૨૮ દિવસના ગાળામાં યુઝર્સને કુલ ૫૬GB ડેટા વાપરવા મળી શકે છે. આ ઉપરાંત, ઓફિસના કે વ્યક્તિગત કામ માટે મેસેજ કરનારા લોકો માટે દરરોજ ૧૦૦ મફત એસએમએસ (SMS) ની સુવિધા પણ આ પ્લાનમાં સામેલ કરવામાં આવી છે.
લિમિટેડ પીરિયડ ઓફર: ૩૦ જૂન ૨૦૨૬ છે છેલ્લી તારીખ
અહીંયા ગ્રાહકો માટે એક મહત્વની બાબત એ જાણવી જરૂરી છે કે BSNL એ આ ધમાકેદાર પ્લાનને એક મર્યાદિત સમયગાળા (Limited Period Offer) માટે જ રજૂ કર્યો છે. કંપનીના સત્તાવાર નિવેદન અનુસાર, આ પ્લાનનો લાભ ગ્રાહકો આગામી ૩૦ જૂન ૨૦૨૬ સુધી જ લઈ શકશે. એટલે કે જે યુઝર્સ આ નિર્ધારિત તારીખ સુધીમાં પોતાનું રિચાર્જ કરાવી લેશે, તેઓ જ આ સસ્તી સુવિધાનો આનંદ માણી શકશે.
ગ્રાહકોને આકર્ષવા માટે BSNL ની માસ્ટર ગેમ
ટેલિકોમ નિષ્ણાતોના મતે, બીએસએનએલનો આ પ્લાન લાવવા પાછળનો મુખ્ય હેતુ માર્કેટ શેર વધારવાનો છે. આ અગાઉ કંપનીએ માત્ર ₹૧ નો ‘ફ્રીડમ પ્લાન’ લોન્ચ કરીને સમગ્ર દેશમાં સન્સનસાઇ મચાવી દીધી હતી. તે ₹૧ નો પ્લાન ગયા વર્ષે ઓગસ્ટ મહિનામાં મર્યાદિત સમય માટે લાવવામાં આવ્યો હતો અને ગ્રાહકોના ભારે ધસારાને જોઈને કંપનીએ તેની સમય મર્યાદા ઘણી વખત લંબાવી હતી. તે પ્લાન પણ ખાસ કરીને નવું BSNL સિમ કાર્ડ ખરીદનારા ગ્રાહકો માટે જ હતો, જેમાં ₹૧ ની કિંમતે ૨૮ દિવસ માટે અનલિમિટેડ કોલ્સ અને ડેઈલી ૨GB ડેટા મળતો હતો.
હવે કંપનીએ આ જ કડીમાં સામાન્ય જનતા માટે ₹૫૧ નો પ્લાન લોન્ચ કરીને સાબિત કરી દીધું છે કે તે સામાન્ય નાગરિકોના ખિસ્સાનો આદર કરે છે. જો તમે પણ મોંઘા રિચાર્જથી કંટાળી ગયા હોવ, તો BSNL ની આ મર્યાદિત સમયની ઓફરનો લાભ ઉઠાવવો એ એક સમજદારીભર્યું અને સ્માર્ટ પગલું સાબિત થઈ શકે છે.
