Kotak Mahindra Bank: કોટક મહિન્દ્રા બેંક પર RBIની કાર્યવાહી ભારતીય રિઝર્વ બેંકે કોટક મહિન્દ્રા બેંક સામે કડક કાર્યવાહી કરી છે. RBIએ બેંકને આદેશ આપ્યો છે કે નવા ગ્રાહકો ન ઉમેરે કે કોઈ ક્રેડિટ કાર્ડ જારી ન કરે. IT નિયમોનું વારંવાર પાલન ન કરવાને કારણે આ પગલું ભરવામાં આવ્યું છે. ચાલો જાણીએ કોટક મહિન્દ્રા બેંકના સીઈઓએ આ મામલે શું કહ્યું.
રિઝર્વ બેંક (RBI) એ ખાનગી ક્ષેત્રની બેંક કોટક મહિન્દ્રા બેંક સામે કાર્યવાહી કરી છે. આરબીઆઈએ બેંકને સૂચના આપી છે કે તે કોઈ નવા ગ્રાહકને ઉમેરશે નહીં કે કોઈ ક્રેડિટ કાર્ડ જારી કરશે નહીં.
RBIની આ કાર્યવાહી અંગે, મહિન્દ્રા બેંકના ચીફ એક્ઝિક્યુટિવ અને મેનેજિંગ ડિરેક્ટર અશોક વાસવાણીએ કહ્યું કે તે આરબીઆઈ દ્વારા ઉઠાવવામાં આવેલી ચિંતાઓને દૂર કરવા માટે “સક્રિયતાથી કામ કરી રહી છે”.
આ અંગે કોટક મહિન્દ્રા બેંકે તેના સોશિયલ મીડિયા હેન્ડલ X પર પોસ્ટ કરીને કહ્યું કે તે આ મુદ્દાને ઉકેલવા માટે RBI સાથે સતત સંપર્કમાં છે.
A message for our valued customers pic.twitter.com/BmhDePZNyG
— Kotak Mahindra Bank (@KotakBankLtd) April 25, 2024
RBIએ કાર્યવાહી કરી
આ અઠવાડિયે બુધવારે, રિઝર્વ બેંક ઓફ ઈન્ડિયાએ કોટક મહિન્દ્રા બેંકને તેની ઓનલાઈન અને મોબાઈલ બેંકિંગ ચેનલો દ્વારા કોઈપણ નવા ગ્રાહકો ઉમેરવા પર પ્રતિબંધ મૂક્યો હતો અને તેને નવા ક્રેડિટ કાર્ડ જારી કરવાથી પણ રોકી હતી.
કોટક મહિન્દ્રા બેંકના IT રિસ્ક મેનેજમેન્ટમાં IT ધોરણોનું વારંવાર પાલન ન થયું અને “ગંભીર ખામીઓ” મળ્યા પછી RBIએ પગલાં લીધાં.
અશોક વાસવાણીએ આ વર્ષે જાન્યુઆરીમાં ચાર્જ સંભાળ્યો હતો. તેમણે કહ્યું કે નવા ક્રેડિટ કાર્ડ જારી કરવાનું કામ અસ્થાયી રૂપે બંધ કરી દેવામાં આવ્યું છે. જો કે, વર્તમાન ગ્રાહકો પાસે જે ક્રેડિટ કાર્ડ છે તે સરળતાથી કામ કરશે.
RBIની કાર્યવાહી પછી તરત જ, બેંકે બુધવારે કહ્યું હતું કે તેણે તેની IT સિસ્ટમને મજબૂત કરવા માટે નવી તકનીકો અપનાવવાનાં પગલાં લીધાં છે અને બાકીના મુદ્દાઓને વહેલી તકે ઉકેલવા માટે ટોચની બેંક સાથે કામ કરવાનું ચાલુ રાખશે.
કોટક મહિન્દ્રા બેંકના શેર
RBIની કાર્યવાહી બાદ કોટક મહિન્દ્રા બેંકના શેરમાં ભારે ઘટાડો જોવા મળ્યો હતો. બેન્કનો શેર બુધવારના સત્રમાં 0.85 ટકાના ઘટાડા સાથે રૂ. 1,643 પર બંધ થયો હતો.
