Anil Agarwal: વેદાંતના અધ્યક્ષ અનિલ અગ્રવાલ ભારતના કયા નિર્ણયથી અત્યંત દુખી છે?અનિલ અગ્રવાલને મેટલ કિંગ તરીકે પણ ઓળખવામાં આવે છે, જેઓ વેદાંત રિસોર્સ લિમિટેડના સ્થાપક અને ચેરમેન છે.
વિશ્વમાં Coal નો ચોથો સૌથી મોટો ભંડાર ધરાવતો દેશ હોવા છતાં
ભારતે તેના વપરાશને પહોંચી વળવા વિદેશમાંથી કોલસો આયાત કરવો પડે છે. વેદાંતના ચેરમેન Anil Agarwal આનાથી ખૂબ જ દુઃખી છે. સોશિયલ મીડિયા પ્લેટફોર્મ પર પોતાની નારાજગી વ્યક્ત કરતા તેમણે કહ્યું કે, જ્યારે પણ હું ભારતની કોલસાની આયાતમાં વધારાને લગતા સમાચાર વાંચું છું ત્યારે મને ખૂબ જ દુઃખ થાય છે. અનિલ અગ્રવાલે કોલસાની આયાત તાત્કાલિક બંધ કરવાની માંગ કરી છે.
એપ્રિલ-જૂન ક્વાર્ટરમાં Coal ની આયાતમાં 5.7%નો વધારો થયો છે
નાણાકીય વર્ષ 2024-25ના પ્રથમ ત્રિમાસિક ગાળામાં ભારતની કોલસાની આયાતમાં વધારો થયો છે. ચાલુ નાણાકીય વર્ષના એપ્રિલ-જૂન ક્વાર્ટરમાં ભારતમાં કોલસાની આયાત 5.7 ટકા વધીને 75.26 મિલિયન ટન થઈ છે, જે ગયા નાણાકીય વર્ષ 2023-24ના સમાન ક્વાર્ટરમાં 71.16 મિલિયન ટન હતી. ચાલુ નાણાકીય વર્ષના જૂન મહિનામાં કોલસાની આયાતમાં 6.59 ટકાનો ઉછાળો આવ્યો છે.
It makes me very sad whenever I read the news about a rise in India's coal imports. Actually, we should have no imports at all. We have the 4th largest reserves of coal in the world.
We should auction more coal mines and move to self-certification. Speed is key.
According to… pic.twitter.com/7OaeLbLJkX
— Anil Agarwal (@AnilAgarwal_Ved) August 14, 2024
ભારતે Coal ની આયાત ન કરવી જોઈએ
Anil Agarwal, જેઓ પોતે અગ્રણી માઇનિંગ-મેટલ્સ કંપની વેદાંતના વડા છે, કોલસાની આયાતમાં વધારાના આ સમાચારથી પરેશાન છે. અનિલ અગ્રવાલે સોશિયલ મીડિયા પ્લેટફોર્મ પર લખ્યું તેમણે કહ્યું કે, વાસ્તવમાં આપણે કોલસાની આયાત બિલકુલ ન કરવી જોઈએ. આપણી પાસે વિશ્વમાં કોલસાનો ચોથો સૌથી મોટો ભંડાર છે. તેમણે વધુને વધુ કોલસાની ખાણોની હરાજી કરવાની હિમાયત કરી અને સ્વ-પ્રમાણીકરણ તરફ આગળ વધવા પર ભાર મૂક્યો. તેમણે કહ્યું કે, આ બધામાં સ્પીડ સૌથી મહત્વની બાબત હશે.
Coal ની આયાત બંધ કરવી જોઈએ
Anil Agarwal પોતાની પોસ્ટમાં લખ્યું છે કે, અનુમાન મુજબ, આપણને ઊર્જા સંક્રમણ તરફ સંપૂર્ણ રીતે આગળ વધવામાં હજુ ઘણા વર્ષો લાગશે. ત્યાં સુધી કોલસો આપણા ઉર્જા વપરાશમાં સૌથી મહત્વપૂર્ણ ભૂમિકા ભજવશે. અનિલ અગ્રવાલે કહ્યું, કોલસાની આયાત બંધ કરવી જોઈએ. તેણે કહ્યું, આ અમને વૈશ્વિક સ્પર્ધામાં આગળ વધવામાં મદદ કરશે. કોલસાનું સ્થાનિક ઉત્પાદન વધારવા પર ભાર મૂકતાં અનિલ અગ્રવાલે કહ્યું કે આનાથી વધુને વધુ નોકરીઓનું સર્જન થશે અને યુવાનો માટે તકો વધારવામાં પણ મદદ મળશે
