ભારતીય રેલ્વે સમયાંતરે મુસાફરોને અનેક સુવિધાઓ પુરી પાડી રહી છે. હવે રેલ્વે મંત્રી અશ્વિની વૈષ્ણવે મુસાફરોને વધુ એક વિશેષ સુવિધા આપવાનો નિર્ણય કર્યો છે, જેનો લાભ વરિષ્ઠ નાગરિકો ઉપરાંત દિવ્યાંગોને પણ મળશે. આ તમામ લોકોની મુસાફરીને સરળ બનાવવા માટે રેલવે દ્વારા ઘણી યોજનાઓ બનાવવામાં આવી છે.
શું નિર્ણય લેવામાં આવ્યો છે
રેલ્વે મંત્રી અશ્વિની વૈષ્ણવે કહ્યું કે તાજેતરમાં ભારતીય રેલ્વેએ વ્હીલચેરનો ઉપયોગ કરતા વરિષ્ઠ નાગરિકોની સુવિધા માટે ટ્રેનોમાં રેમ્પ બનાવવાનો નિર્ણય કર્યો છે. રેલ્વે મંત્રીએ કહ્યું છે કે આ રેમ્પનો ઉપયોગ ચેન્નાઈ રેલ્વે સ્ટેશન પર થઈ ચૂક્યો છે.
રેલવે મંત્રી અશ્વિની વૈષ્ણવે માહિતી આપી
માહિતી આપતાં રેલ્વે મંત્રી અશ્વિની વૈષ્ણવે કહ્યું કે આ વખતે રેલ્વેએ ટ્રેનોમાં રેમ્પ બનાવવાનો નિર્ણય કર્યો છે, જેનાથી વરિષ્ઠ નાગરિકો અને દિવ્યાંગોને ઘણો ફાયદો થશે. આ સાથે ટિકિટ બુક કરાવતી વખતે મુસાફરોની વ્હીલચેરની જરૂરિયાત પૂરી કરવા માટે પણ કામ કરવામાં આવી રહ્યું છે.
બાદમાં અન્ય ટ્રેનોમાં પણ તેનો ઉપયોગ કરવામાં આવશે
અશ્વિની વૈષ્ણવે કહ્યું છે કે હાલમાં આ રેમ્પ વંદે ભારત ટ્રેનોમાં બનાવવામાં આવી રહ્યા છે. બાદમાં અન્ય ટ્રેનોમાં પણ તેનો ઉપયોગ કરવામાં આવશે.
રેમ્પનો ઉપયોગ સરળતાથી કરી શકાય છે
મંત્રીએ કહ્યું છે કે ટ્રેનના દરવાજા પર રેમ્પ સરળતાથી લગાવી શકાય છે. તેની પહોળાઈ અને ઓછી ઢાળને કારણે વ્હીલચેરનો સરળતાથી ઉપયોગ કરી શકાય છે.
પરીક્ષણ દરમિયાન સકારાત્મક પ્રતિસાદ મળ્યો
માહિતી આપતા રેલ્વે વિભાગે કહ્યું છે કે તેના પરીક્ષણ દરમિયાન મુસાફરો તરફથી ઘણો સકારાત્મક અને પ્રોત્સાહક પ્રતિસાદ મળ્યો હતો. આ કારણોસર, રેલવે ટૂંક સમયમાં અન્ય ટ્રેનોમાં પણ તેને સ્થાપિત કરવાની યોજના બનાવી રહ્યું છે.
