State Bank of India: જો તમારું એકાઉન્ટ પણ સ્ટેટ બેંક ઓફ ઈન્ડિયા (SBI) માં છે, તો આ સમાચાર તમારા માટે છે. સર્વર આઉટેજ વચ્ચે UPI અને નેટ બેન્કિંગ કામ ન કરવા અંગે ગ્રાહકોએ દેશની સૌથી મોટી જાહેર ક્ષેત્રની બેંક એસબીઆઈ (SBI) ને ફરિયાદ કરી છે. કેટલાક યુઝર્સે ટ્વિટર પર કહ્યું છે કે, તેઓ એક દિવસ પહેલા એટલે કે રવિવારથી જ એસબીઆઈ સેવા (SBI Services) ઓનો ઉપયોગ કરી શકતા નથી. જોકે, બેંક દ્વારા સર્વર આઉટેજની પુષ્ટિ કરવામાં આવી નથી.
યુઝર્સની ફરિયાદોનો જવાબ આપવામાં આવી રહ્યો છે
એસબીઆઈના ઓફિશિયલ ટ્વિટર એકાઉન્ટ દ્વારા યુઝર્સની ફરિયાદોનો જવાબ આપવામાં આવી રહ્યો છે. બેંકના પ્રતિનિધિએ ટ્વિટર એકાઉન્ટ પર લખ્યું કે ‘પ્રિય ગ્રાહક, અસુવિધા બદલ અમે માફી માગીએ છીએ. તમને ફરીથી પ્રયાસ કરવા વિનંતી છે અને અમને જણાવો કે શું સમસ્યા આવી રહી છે. મોટી સંખ્યામાં ટ્વિટર યુઝર્સે એસબીઆઈ (SBI) સર્વથ્સની ‘અત્યંત ધીમી’ સેવા વિશે ફરિયાદ કરી છે.
શનિવારે એક દિવસ પહેલા SBI એ ટ્વિટ કર્યું હતું કે, INB/ YONO / YONO Lite / YONO Business / UPI ની સર્વિસ 1 એપ્રિલ, 2023ના રોજ 13:30 થી 16:45 કલાક સુધી સ્થગિત ‘વાર્ષિક સમાપન ગતિવિધિઓ’ ના કારણે ઉપલબ્ધ નહીં રહે. સમાચાર લખતી વખતે જ્યારે અમે SBI નેટ બેન્કિંગનો ઉપયોગ કરવાનો પ્રયાસ કર્યો, તે કામ ન થયું. ચાલો જોઈએ ટ્વિટર યુઝર્સ દ્વારા કરવામાં આવેલી ફરિયાદો-
https://twitter.com/TheOfficialSBI/status/1642453292461744128?s=20
https://twitter.com/flyingbeast320/status/1642814127017164800?s=20
https://twitter.com/dadireddypavan/status/1642812742490030080?s=20
ઉલ્લેખનીય છે કે, આ પ્રથમ વખત નથી જ્યારે આ પ્રકારની સમસ્યાઓ સામે આવી હોય. અગાઉ પણ અનેક વખત આ પ્રકારની સમસ્યાનો સામનો એસબીઆઈ યુઝર્સ કરી ચૂક્યા છે. યુઝર્સે ટ્વિટર પર તેની અનેક ફરિયાદ કરતા રહે છે. યુઝર્સ એસબીઆઈની સર્વિસને લઈને હંમેશા મિમ્સ બનાવતા રહે છે. હવે જોવાનું રહ્યું કે, એસબીઆઈની સર્વિસ ફરીથી ક્યારે શરૂ થાય છે.
