Petrol Diesel Price: છેલ્લા ઘણા દિવસોથી આંતરરાષ્ટ્રીય બજારમાં ક્રૂડ ઓઈલના ભાવમાં ઉતાર-ચઢાવ જોવા મળી રહ્યો છે. આંતરરાષ્ટ્રીય બજારમાં કાચા તેલની કિંમતોમાં વધઘટની અસર પેટ્રોલ અને ડીઝલની છૂટક કિંમતો પર જોવા મળી રહી છે. આ સાથે વૈશ્વિક ઘટનાઓની પણ સીધી અસર ક્રૂડ ઓઈલના ભાવ પર પડે છે અને દેશમાં પેટ્રોલ અને ડીઝલના દરો બદલાતા રહે છે. દરરોજની જેમ દેશની સરકારી ઓઈલ કંપનીઓએ આજે સવારે 6 વાગ્યે પેટ્રોલ અને ડીઝલના ભાવની યાદી જાહેર કરી છે. આજે ઘણા રાજ્યોમાં ઈંધણની કિંમતમાં વધારો નોંધવામાં આવ્યો છે, જ્યારે ઘણા રાજ્યોમાં તેલની કિંમતમાં ઘટાડો જોવા મળી રહ્યો છે. આવી સ્થિતિમાં, તમારી કારમાં તેલ ભરતા પહેલા, પેટ્રોલ અને ડીઝલની કિંમત ચોક્કસપણે જાણી લો.
તેલની નવીનતમ કિંમતો વિશે વાત કરીએ તો, ત્રણ મેટ્રો (દિલ્હી, મુંબઈ, કોલકાતા)માં પેટ્રોલ અને ડીઝલના ભાવમાં કોઈ ફેરફાર થયો નથી. જો કે ચેન્નાઈમાં તેલની કિંમતોમાં થોડો વધારો જોવા મળ્યો છે. અહીં પેટ્રોલ 10 પૈસા અને ડીઝલ 9 પૈસા પ્રતિ લીટર મોંઘુ થયું છે.
દિલ્હી-મુંબઈ સહિતના મહાનગરોમાં પેટ્રોલ-ડીઝલના ભાવ.
-દિલ્હીમાં પેટ્રોલની કિંમત 94.72 રૂપિયા અને ડીઝલની કિંમત 87.62 રૂપિયા પ્રતિ લીટર છે.
-મુંબઈમાં પેટ્રોલની કિંમત 103.44 રૂપિયા અને ડીઝલની કિંમત 89.97 રૂપિયા પ્રતિ લીટર છે.
-કોલકત્તામાં પેટ્રોલની કિંમત 104.95 રૂપિયા અને ડીઝલની કિંમત 91.76 રૂપિયા પ્રતિ લીટર છે.
-ચેન્નાઈમાં પેટ્રોલની કિંમત 100.85 રૂપિયા અને ડીઝલની કિંમત 92.43 રૂપિયા પ્રતિ લીટર છે.
આ ઉપરાંત આંધ્રપ્રદેશ, ગોવા, હરિયાણા, હિમાચલ પ્રદેશ, જમ્મુ-કાશ્મીર, કર્ણાટક, કેરળ, મધ્યપ્રદેશ અને મણિપુરમાં પણ પેટ્રોલ અને ડીઝલના ભાવમાં વધારો થયો છે.
