લોન્ચ થઇ નવી સુઝુકી જિમ્ની, ટૂંક સમયમાં આવશે ભારતમાં

સુઝુકીએ તેની નેકસ્ટ જનરેશન જિમ્નીને જાપાનમાં લોન્ચ કરી દીધી છે. જિમ્નીના બે વેરિએન્ટ્સને લોન્ચ કરવામાં આવ્યા છે, જે જાપાનના માર્કેટમાં મળશે, જ્યારે જિમ્ની સિએરાને ગ્લોબલ માર્કેટમાં લોન્ચ કરવામાં આવશે. સુઝુકીની જિમ્નીની કિંમત 14,58,000-19,06,200 JPY (રૂ. 9.08 લાખથી રૂ.11.87 લાખ) છે, જ્યારે જિમ્ની સિએરાની કિંમત 17,60,400-20,62,800 JPY (રૂ.10.94 લાખથી રૂ. 12.82 લાખ) છે. ગત મહિનાની શરૂઆતમાં કંપની આ SUVને એક ખાનગી કાર્યક્રમમાં કેટલાક વિશેષ લોકોની સામે રજૂ કરી ચુકી છે. આ ઓફ-રોડ કારને સુઝુકીએ બિલકુલ નવા પ્લેટફોર્મ પર બનાવી છે. ગત જનરેશનની તુલનામાં નવી જિમ્નીની ઓફ-રોડ ક્ષમતા ઘણી વધારે છે અને તેને ભારતમાં જલદી લોન્ચ કરવામાં આવશે. આ કારને 2019 સુધીમાં ભારતમાં લોન્ચ કરવામાં આવી શકે છે.જિમ્નીની આ ચોથી જનરેશન છે અને આ SUVમાં આ અપડેટ આપવાનું ઘણું જ જરૂરી હતું, કંપનીએ આની પહેલા જિમ્નીને 20 વર્ષ પહેલા અપડેટ કરી હતી અને ત્યાર બાદથી અત્યાર સુધી કાર એવી જ હતી. 2019 સુઝુકી જિમ્નીની ડિઝાઇનમાં કંપનીએ અનેક ફેરફાર કર્યા છે અને તેને ઘણાંબધા સ્ટાઇલ અપડેટ આપવામાં આવ્યા છે. 4*4 સુઝુકી જિમ્નીને બોક્સી ડિઝાઇન પર બનાવવામાં આવી છે, જેના કારણએ આનો મર્સિડિઝ બેન્ઝ જી-ક્લાસ જેવો લુક મળે છે. કારમાં મેટ બ્લેક ફિનિશવાળી 5 સ્લોટ ગ્રિલ આપવામાં આવી છે, હેડલેમ્પ ક્લાસિક સ્ટાઇલના ગોળાકાર છે જે અલગથી ટર્ન ઇન્ડિકેટર્સની સાથે આવે છે. 2019 સુઝીકી જિમ્નીમાં 0.66-લીટરનું L R06A પેટ્રોલ એન્જિન લગાવાયું છે. જાપાન ઉપરાંત, દુનિયાભરમાં આ કારને 1.2લીટર પેટ્રોલ અને 1.0 લીટર બૂસ્ટરજેટ ટર્બો પેટ્રોલ એન્જિન આપવામાં આવ્યું છે. આ એન્જિનને 5-સ્પીડ મેન્યુઅલ અને ઓટોમેટિક ગિયરબોક્સ આપવામાં આવ્યું છે અને આ કાર ઓલગ્રિપ 4*4 સિસ્ટમથી સજ્જ છે.