બાઇકથી પણ સસ્તી છે આ કાર જાણો કિંમત

બજાજે સૌથી સસ્તી બજાજ ક્યૂટને ઈન્ડોનેશિયામાં લૉંચ કરી છે. હવે ઓટોમોબાઈલ કંપની બજાજ ભારતીય ગ્રાહકોને પણ સૌથી સસ્તી કાર ઉપલબ્ધ કરાવવાની તૈયારી કરી રહ્યું છે. એન્જિન અને પાવરની વાત કરીએ તો બજાજ ક્યૂટમાં 216.6 સીસીનું સિંગલ સિલેન્ડર એન્જિન આપવામાં આવ્યું છે. સાથે 13 બીએચપીનો પાવર અને 20 એનએમનો ટાર્ક પૈદા કરે છે. આ કારનું એન્જિન ફ્યૂલ ઈંજ્ક્ટેડ વૉયર કૂલ્ડ અને ડિજિટલ સ્પાર્ક ઈગ્નિશન 4 વાલ્વ ટેક્નોલોજીથી સજ્જ છે. 5 સ્પીડ ગિયરબોક્સથી સજ્જ આ કાર 70 કિમીની અધિકતમ સ્પીડથી ચાલી શકે છે. આકારની વાત કરીએ તો આ કારની લંબાઈ 2752 મિમી છે અને પહોળાઈ 1312 મિમી છે. જ્યારે ઉંચાઈ 652 મિમી અને વ્હીલબેસ 1925 મિમી છે. બજાજ ક્યૂટ ભારતમાં 6 અલગ અલગ કલરોમાં ઉપલબ્ધ થશે. આ કારનું સૌથી મોટા ફીચરની વાત કરીએ તો તેની દમદાર માઈલેજ છે. જી હાં.. આ કાર પ્રતિ લીટરમાં 36 કિમીની માઈલેજ આપી શકે છે. કિંમતની વાત કરીએ તો આ કારની એક્સ શોરૂમ કિંમત લગભગ 1.2 લાખ રૂપિયા હોઈ શકે છે. આ કારની કિંમત રૉયલ એનફીલ્ડ બુલેટથી પણ ઓછી છે. હવે જોવાનું એ છે કે આ કાર કેટલી લોકોને પસંદ પડે છે. બજાજે આ કાર મિડલ ક્લાસ લોકો માટે તૈયાર કરી છે અને તેમને આ કાર સૌથી વઘુ પસંદ આવનાર છે. જે લોકો અત્યાર સુધી ટુવ્હિલર પર સવારી કરતા હતા, તેવો લોકો પણ ટુવ્હિલર વાહનની કિંમતમાં કારની સવારી કરી શકશે. સુરક્ષાની દ્દષ્ટિએ આ કાર સુરક્ષિત નથી.