Breaking: કોલ્ડરેફ કફ સિરપ કેસમાં EDના મોટા દરોડા: ચેન્નાઈમાં ૭ સ્થળો પર તપાસ, ગેરકાયદેસર વ્યવહારોની આશંકા
ડ્રગ્સની હેરાફેરી અને ગેરકાયદેસર આર્થિક વ્યવહારો સાથે સંકળાયેલા કોલ્ડરેફ (Coldoref) કફ સિરપ કેસમાં એન્ફોર્સમેન્ટ ડિરેક્ટોરેટ (ED) એ આજે સવારે ચેન્નાઈમાં મોટા દરોડા પાડ્યા છે. EDની ટીમોએ ચેન્નાઈ શહેરના ૭ જેટલા જુદા જુદા સ્થળો પર સઘન શોધખોળ હાથ ધરી હતી, જે આ કેસના મુખ્ય આરોપીઓ અને તેમની સાથે જોડાયેલા નાણાકીય માળખા પર કેન્દ્રિત હતી.
આ દરોડા પ્રિવેન્શન ઓફ મની લોન્ડરિંગ એક્ટ (PMLA) હેઠળ પાડવામાં આવ્યા હતા. ED એ ગેરકાયદેસર રીતે કફ સિરપના ઉત્પાદન અને વેચાણથી મેળવેલી રકમના મની લોન્ડરિંગ અને અન્ય બિનહિસાબી વ્યવહારો ની તપાસ કરી રહી છે.
દરોડાનું કેન્દ્રબિંદુ:
- સૂત્રોના જણાવ્યા અનુસાર, દરોડામાં કોલ્ડરેફ સિરપના ઉત્પાદન અને વિતરણ સાથે સંકળાયેલા ફાર્માસ્યુટિકલ કંપનીઓના અધિકારીઓ અને તેમના નિવાસ્થાનોને નિશાન બનાવવામાં આવ્યા હતા.
- ટીમોએ ડિજિટલ પુરાવાઓ, હાર્ડ કોપી દસ્તાવેજો, અને નાણાકીય લેવડદેવડની વિગતો જપ્ત કરી છે, જે ગેરકાયદેસર વેચાણ અને વિદેશી વ્યવહારો સાથે જોડાયેલા હોઈ શકે છે.
EDના અધિકારીઓ માને છે કે આ કફ સિરપનો ઉપયોગ નશીલા પદાર્થ તરીકે થતો હતો અને તેના ગેરકાયદેસર વેચાણ દ્વારા કરોડો રૂપિયાના કાળા નાણાંને સફેદ કરવામાં આવ્યા હતા. આ દરોડાથી ડ્રગ માફિયાઓ અને ફાર્મા કંપનીઓના ગઠબંધનની ગેરકાયદેસર સાંકળનો પર્દાફાશ થવાની શક્યતા છે.
