દેશમાં ઝડપથી ફેલાતા ઓમિક્રોન વેરિઅન્ટના ફેલાવાને રોકવા માટે ભારત સરકારે નિયંત્રણો કડક કર્યા છે. હવે વિદેશથી ભારત આવતા તમામ પ્રવાસીઓને એક સપ્તાહ ફરજિયાત ક્વોરેન્ટાઈનમાંથી પસાર થવું પડશે. આ સંદર્ભમાં એક નિવેદન જારી કરીને આરોગ્ય મંત્રાલયે કહ્યું કે આંતરરાષ્ટ્રીય પ્રવાસીઓ માટે સંશોધિત માર્ગદર્શિકા જારી કરવામાં આવી છે જેથી કોરોનાના ઓમિક્રોન વેરિઅન્ટના ચેપને રોકી શકાય. હોમ ક્વોરેન્ટાઇનનો નિયમ આજથી અમલમાં આવ્યો છે નવા નિયમ હેઠળ વિદેશી પ્રવાસીઓએ સાત દિવસ માટે હોમ ક્વોરેન્ટાઇનમાંથી પસાર થવું પડશે. તેમનો RT-PCR ટેસ્ટ તેમના ભારતમાં આગમનના આઠમા દિવસે કરવામાં આવશે. આ પછી, જ્યારે રિપોર્ટ નેગેટિવ આવે છે, ત્યારે જ તેમને ગમે ત્યાં જવાની મંજૂરી આપવામાં આવે છે. પાંચ વર્ષથી ઓછી ઉંમરના બાળકોને આ નિયમમાંથી મુક્તિ આપવામાં આવી છે. જો તેમનામાં કોરોના વાયરસના લક્ષણો જોવા મળે છે, તો જ તેમની તપાસ કરવામાં આવશે.
આદેશ મુજબ કહેવામા આવ્યું છે કે વિદેશથી આવતા મુસાફરોએ એર સુવિધા પોર્ટલ પર આઠમા દિવસે કરાયેલા કોરોના ટેસ્ટનો રિપોર્ટ અપલોડ કરવાનો રહેશે જેથી સંબંધિત રાજ્ય પેસેન્જર પર નજર રાખી શકે. વધુ માં વધુમાં જાણવામાં આવ્યું છે કે જો રિપોર્ટ નેગેટિવ આવે છે તો મુસાફરો સાત દિવસ સુધી તેમના સ્વાસ્થ્ય પર નજર રાખશે અને લક્ષણોની તપાસ કરશે. પોઝિટિવ રિપોર્ટ પર પેસેન્જરના સેમ્પલ જીનોમ સિક્વન્સિંગ માટે મોકલવામાં આવશે.ભારતે ઘણા દેશોને તેના જોખમની યાદીમાં મૂક્યા છે. અહીંથી આવનારા મુસાફરોએ એરપોર્ટ પર કોરોના ટેસ્ટ કરાવવો પડશે. તેઓએ એરપોર્ટ છોડવા અથવા કનેક્ટિંગ ફ્લાઇટ લેવા માટે કોરોના ટેસ્ટ રિપોર્ટની રાહ જોવી પડશે.
