ભારતીય ક્રિકેટ ટીમના બેટ્સમેન શિખર ધવન અને શ્રેયસ અય્યર ઈંગ્લેન્ડ સામેની 5 ટી-20 ની શ્રેણી માટે ટીમ ઈન્ડિયા સાથે જોડાયા હતા. એ વાત જણાવી એ છે કે અમદાવાદના નરેન્દ્ર મોદી સ્ટેડિયમમાં ટેસ્ટ શ્રેણી પૂર્ણ થયા બાદ પાંચ ટી-20 મેચ રમાશે. શિખર ધવને પોતાના ટ્વિટર એકાઉન્ટ પર પોતાની અને શ્રેયસની તસવીર શેર કરી છે અને લખ્યું છે કે ફરી એકવાર ટીમ ઈન્ડિયામાં જોડાયા બાદ તેમને સારુ લાગે છે.
આ ઉપરાંત શ્રેયસ અય્યરે પોતાની ઇન્સ્ટાગ્રામ સ્ટોરી પર એક તસવીર પણ શેર કરી હતી અને લખ્યું હતું કે 11 કલાકની લોંગ ડ્રાઇવ બાદ તે અમદાવાદ પહોંચ્યો હતો. ચાલો આપણે જોઈએ કે આ સ્મિત લાંબા સમય સુધી રહે છે કે નહીં.
તમને એ વાત જણાવી એ કે, ભારતીય ટીમમાં જોડાતા પહેલા બંને ખેલાડીઓ પોતાની ઘરેલુ ટીમો માટે વિજય હઝારે ટ્રોફી ટુર્નામેન્ટ 2021માં રમી રહ્યા હતા. ધવનની વાત કરવામાં આવે તો તે શરૂઆતના મુકાબલામાં પોતાની ટીમ માટે વધુ રન બનાવી શક્યો ન હતો, પરંતુ તેણે મહારાષ્ટ્ર સામે 153 રનની ઈનિંગ રમીને પોતાની લય પાછી મેળવી લીધી હતી. તેણે 113 બોલનો સામનો કરતી વખતે 153 રન બનાવ્યા હતા અને દિલ્હીએ 330 રનનો ટાર્ગેટ હાંસલ કર્યો હતો. શ્રેયસ અય્યરે પણ મુંબઈ માટે ખૂબ જ સારી બેટિંગ કરી હતી અને તેની બે સદી હતી.
ભારતીય ટીમમાં પ્રથમ વખત ઈંગ્લેન્ડ સામેની પાંચ ટી-20 ની શ્રેણી માટે સૂર્યકુમાર યાદવ, ઇસાન કિશન અને રાહુલ તેવટિયા ને સામેલ કરવામાં આવ્યા છે. બંને દેશો વચ્ચે પ્રથમ ટી-20 મેચ 12 માર્ચે નરેન્દ્ર મોદી સ્ટેડિયમમાં રમાશે.
