ભારતે બાંગ્લાદેશને Blind World Cup માં 129 રન થી હરાવ્યું

ભારતે પ્રથમ બેટિંગ કરતા નિર્ધારિત ઓવરોમાં 5 વિકેટે ૨૭૯ રન બનાવ્યા છે. ઓપનર બેટ્સમેન પ્રકાશ જે અને કેતન પટેલની શાનદાર ઇનિંગ અને આ બંને વચ્ચે પ્રથમ વિકેટ માટે ૧૬૯ રનની ભાગીદારી નોંધાવી હતી. પ્રકાશે ૫૭ બોલમાં ૧૮ ચોગ્ગાની મદદથી ૯૬ જયારે પટેલે ૫૦ બોલમાં ૯૮ રન બનાવ્યા હતા. વેક્ટેશ્વર રાવે પણ ૧૬ બોલમાં ૩૫ રનની ઇનિંગ રમી જયારે બાંગ્લાદેશે ૩૮ વધારાના રન આપ્યા જેમાં ૩૧ વાઈડ સામેલ છે.
બાંગ્લાદેશ તેના જવાબમાં સાત વિકેટે ૧૫૦ રન જ બનાવી શક્યું હતું. બાંગ્લાદેશ તરફથી મોહમ્મદ મોહસિન હુસૈને સૌથી વધુ ૩૧ રન બનાવ્યા હતા. જયારે ભારત તરફથી દીપક માલિકે ૨૦ રન આપીને 2 વિકેટ લીધી હતી. તેના સિવાય કેતન પટેલ, કુમાર રેડ્ડી, ગોલુ કુમાર અને સુનીલે 1-1 વિકેટ લીધી હતી.
કેતન પટેલને તેમના ઓલરાઉન્ડર પ્રદર્શન માટે મેન ઓફ ધ મેચ તરીકે પસંદ કરવામાં આવ્યા છે.