2024 ODI Cricketer of the Year: સ્મૃતિ મંધાના અને અઝમતુલ્લાહ ઉમરઝાઈને 2024નો ODI ક્રિકેટર ઓફ ધ યર એવોર્ડ મળ્યો
2024 ODI Cricketer of the Year: ભારતીય મહિલા ક્રિકેટ ટીમની ઉપ-કેપ્ટન સ્મૃતિ મંધાના અને અફઘાનિસ્તાનના અઝમતુલ્લાહ ઉમરઝાઈને 2024ના ICC ODI ક્રિકેટર ઓફ ધ યર એવોર્ડમાં સામેલ કરવામાં આવ્યા છે. બંને ખેલાડીઓએ પોતપોતાના ક્ષેત્રમાં શાનદાર પ્રદર્શન કરીને આ પ્રતિષ્ઠિત પુરસ્કાર પ્રાપ્ત કર્યો.
સ્મૃતિ મંધાનાનું શાનદાર પ્રદર્શન
2024 ODI Cricketer of the Year ભારતીય મહિલા ક્રિકેટ ટીમની સ્ટાર બેટ્સમેન સ્મૃતિ મંધાનાને ICC દ્વારા 2024 માટે વર્ષની શ્રેષ્ઠ મહિલા ODI ક્રિકેટર તરીકે પસંદ કરવામાં આવી છે. મંધાનાએ 2024માં 13 ODI ની 13 ઇનિંગ્સમાં 747 રન બનાવ્યા હતા, જે તેના ODI કારકિર્દીનું શ્રેષ્ઠ પ્રદર્શન હતું. આ સમયગાળા દરમિયાન, તેણીએ ચાર સદી પણ ફટકારી, જેનાથી તે 2024 માં ODI ક્રિકેટમાં મહિલા ટીમ માટે સૌથી વધુ રન બનાવનાર ખેલાડી બની.
https://twitter.com/ICC/status/1883802168526061980
આ શાનદાર પ્રદર્શન માટે, તેને બીજી વખત ODI ક્રિકેટર ઓફ ધ યરનો ખિતાબ મળ્યો છે. મંધાના પછી દક્ષિણ આફ્રિકાની લૌરા વોલ્વાર્ડ (697 રન), ઇંગ્લેન્ડની ટેમી બ્યુમોન્ટ (554 રન) અને વેસ્ટ ઇન્ડીઝની હેલી મેથ્યુઝ (469 રન)નો ક્રમ આવે છે. સ્મૃતિ મંધાનાનું આ પ્રદર્શન માત્ર તેમની સાતત્યતા જ નહીં પરંતુ તેમની બેટિંગ ક્ષમતા અને આત્મવિશ્વાસ પણ દર્શાવે છે.
અઝમતુલ્લાહ ઉમરઝાઈની ઐતિહાસિક યાત્રા
અફઘાનિસ્તાનના 24 વર્ષીય અઝમતુલ્લાહ ઓમરઝાઈને મેન્સ વનડે ક્રિકેટર ઓફ ધ યરનો ખિતાબ એનાયત કરવામાં આવ્યો. તે આ એવોર્ડ જીતનાર પ્રથમ અફઘાન ક્રિકેટર બન્યો. ઉમરઝાઈએ 2024માં 14 વનડેમાં 17 વિકેટ લીધી હતી અને બેટથી 417 રન બનાવ્યા હતા. તેની વિસ્ફોટક બેટિંગ અને ઝડપી સ્વિંગ બોલિંગે તેને એક મહત્વપૂર્ણ ખેલાડી બનાવ્યો છે. ઉમરઝાઈની સફળતાએ અફઘાન ક્રિકેટને નવી ઊંચાઈઓ પર પહોંચાડ્યું છે અને આ એવોર્ડ તેમની મહેનત અને ઉત્કૃષ્ટ પ્રદર્શનનું પરિણામ છે.
https://twitter.com/ICC/status/1883779519015960954
સ્મૃતિ મંધાના અને અઝમતુલ્લાહ ઉમરઝાઈએ 2024 માં પોતાના શાનદાર પ્રદર્શનથી ક્રિકેટની દુનિયામાં એક નવો ઇતિહાસ રચ્યો છે. મંધાનાએ મહિલા ક્રિકેટમાં પોતાની મજબૂત હાજરી સાબિત કરી, જ્યારે ઉમરઝાઈએ પુરુષોના ક્રિકેટમાં અફઘાનિસ્તાનને ગૌરવ અપાવ્યું. આ બંને ખેલાડીઓને આપવામાં આવેલા પુરસ્કારોએ સાબિત કર્યું કે સતત મહેનત અને સમર્પણથી કોઈપણ ખેલાડી સફળતા મેળવી શકે છે.
