દુબઈઃ શ્રીલંકા સામે T20 એશિયા કપ ટૂર્નામેન્ટની પ્રથમ મેચમાં 59 બોલ બાકી રહેતા 8 વિકેટથી વિજય નોંધાવ્યા બાદ અફઘાનિસ્તાનના કેપ્ટન મોહમ્મદ નબીએ કહ્યું કે આ સફળતાથી ટીમનું મનોબળ ઘણું વધારશે. અફઘાનિસ્તાને શ્રીલંકાના દાવને 19.4 ઓવરમાં 105 રન બનાવીને 2 વિકેટના નુકસાને માત્ર 10.1 ઓવરમાં જ હાંસલ કરી લીધો હતો. મેન ઓફ ધ મેચ ફાસ્ટ બોલર ફઝલહક ફારૂકી (11 રન આપીને 3) એ પ્રથમ ઓવરમાં 2 વિકેટ લઈને શ્રીલંકાને બેક ફૂટ પર ધકેલી દીધું હતું, જે બાદ ટીમ રિકવર થઈ શકી ન હતી. આજે, ભારત અને પાકિસ્તાન (IND vs PAK) ટુર્નામેન્ટની બીજી મેચમાં સામસામે હશે. અફઘાનિસ્તાનની ટીમ સુપર-4માં પહોંચવાથી માત્ર એક જીત દૂર છે. ગ્રુપ રાઉન્ડની છેલ્લી મેચમાં તેનો સામનો બાંગ્લાદેશ સામે કરવાનો છે.
મેચ બાદ મોહમ્મદ નબીએ બોલરોની પ્રશંસા કરતા કહ્યું, ‘અમારા ખેલાડીઓએ શાનદાર પ્રદર્શન કર્યું. ખાસ કરીને ઝડપી બોલર ફારૂકી. પ્રથમ બોલિંગ કરવાનો નિર્ણય યોગ્ય હતો. અમે મેચ પહેલા પ્લાનિંગ કર્યું હતું. અમને પ્લાન મુજબ બોલિંગ કરવાનો ફાયદો મળ્યો. તેણે કહ્યું કે જો અમારા બોલરોને સ્વિંગ મળે તો અમને આક્રમક બોલિંગ કરવી ગમે છે. ઓપનરોએ આત્મવિશ્વાસપૂર્વક બેટિંગ કરીને ટીમનું કામ સરળ બનાવી દીધું હતું. મેચમાં 4 ઓવરમાં 14 રન આપીને 2 વિકેટ લેનાર નબીએ કહ્યું કે આ જીતથી અમારું મનોબળ ઊંચું છે અને અમે આગામી મેચમાં પણ સારું પ્રદર્શન કરીશું.
અફઘાનિસ્તાને પ્રથમ મેચમાં શ્રીલંકાને 8 વિકેટે હરાવ્યું હતું. દુબઈ ઈન્ટરનેશનલ ક્રિકેટ સ્ટેડિયમમાં રમાયેલી આ મેચમાં પ્રથમ બેટિંગ કરવા ઉતરેલી શ્રીલંકાની ટીમ માત્ર 105 રનમાં સમેટાઈ ગઈ હતી. જવાબમાં અફઘાનિસ્તાને 11મી ઓવરમાં 2 વિકેટ ગુમાવીને મેચ જીતી લીધી હતી. અફઘાનિસ્તાન તરફથી બોલરોના જોરદાર પ્રદર્શન બાદ ઓપનર હઝરતુલ્લા જાઝાઈ અને રહેમાનુલ્લા ગુરબાઝે શાનદાર બેટિંગ કરી હતી. બંને ઓપનરોએ માત્ર 6.1 ઓવરમાં 83 રનની ભાગીદારી કરી હતી.
આ જીત બાદ અફઘાનિસ્તાનના કેપ્ટન મોહમ્મદ નબીએ કહ્યું કે અમારા ખેલાડીઓએ શાનદાર ક્રિકેટ રમી હતી. ટોસ જીત્યા બાદ અમે પહેલા બોલિંગ કરવાનો નિર્ણય કર્યો, અમારા બોલરોએ આ નિર્ણયને સાચો સાબિત કર્યો. અફઘાનિસ્તાનના કેપ્ટને વધુમાં કહ્યું કે આ રીતે ક્રિકેટ રમ્યા બાદ અમારો આત્મવિશ્વાસ વધ્યો છે. તેમજ મોહમ્મદ નબીએ આશા વ્યક્ત કરી હતી કે અમારી ટીમ આગામી મેચોમાં પણ સારૂ પ્રદર્શન કરશે. અફઘાનિસ્તાનના ફઝલહક ફારૂકીને મેન ઓફ ધ મેચ જાહેર કરવામાં આવ્યો હતો
મેન ઓફ ધ મેચ જાહેર થયા બાદ અફઘાનિસ્તાનના ફઝલહક ફારૂકીએ કહ્યું કે હું મારી ટીમ માટે વધુ સારું કરવા માંગતો હતો, અમારી ટીમની યોજના એકદમ સ્પષ્ટ હતી કે યોગ્ય લાઇન અને લેન્થ પર બોલિંગ કરવી. અફઘાનિસ્તાનના આ ફાસ્ટ બોલરે કહ્યું કે નવા બોલથી હું સારી લેન્થ બોલ કરવાનો પ્રયાસ કરી રહ્યો હતો. ઉપરાંત, તેણે ડેથ ઓવરમાં તેની બોલિંગ વિશે પણ વાત કરી. તેણે કહ્યું કે નવા બોલ સિવાય હું ડેથ ઓવરોમાં પણ સારી બોલિંગ કરી શકું છું.
મેન ઓફ ધ મેચ ફઝલહક ફારૂકીએ કહ્યું કે હું છેલ્લી ઓવરમાં યોર્કર પણ ફેંકી શકું છું. શ્રીલંકાના કેપ્ટન દાસુન શનાકાએ કહ્યું કે તેની ટીમે આગામી મેચમાં મોટી જીત નોંધાવવા પર ધ્યાન કેન્દ્રિત કરવું પડશે. તેણે કહ્યું કે બેટિંગ યુનિટ તરીકે અમારે પિચ અને પરિસ્થિતિઓ અનુસાર રમવું પડશે. પિચ પર ઘાસ હતું અને અમારા સ્પિનરોને મદદ મળી ન હતી, પરંતુ અફઘાનિસ્તાનના સ્પિનરોએ સારી બોલિંગ કરી અને અમે કેટલાક ખરાબ શોટ રમ્યા.
