BCCI New Policy 14 જૂનની મહત્વપૂર્ણ બેઠકમાં નિર્ણય, હવે IPL અને WPL સ્ટાફ માટે દૈનિક ભથ્થું 10-15 હજાર રૂપિયાની મર્યાદામાં મળશે
BCCI New Policy ભારતીય ક્રિકેટ કંટ્રોલ બોર્ડ (BCCI) દ્વારા દૈનિક ભથ્થા અને મુસાફરી નીતિમાં મહત્વપૂર્ણ ફેરફારો જાહેર કરવામાં આવ્યા છે. 14 જૂન 2025ના રોજ યોજાયેલી બેઠકમાં આ નિર્ણય લેવામાં આવ્યો છે, જેમાં બોર્ડના વિવિધ વિભાગોના કર્મચારીઓના ખર્ચ પર નિયંત્રણ લાવવામાં આવશે, ખાસ કરીને ડોમેસ્ટિક ટૂર્નામેન્ટ્સ અને મોટા ઇવેન્ટ્સ દરમિયાન.
નવા નિયમો શું કહે છે?
નવી નીતિ અનુસાર, હવે BCCIના સ્ટાફને દૈનિક ભથ્થાંરૂપે માત્ર ₹10,000 થી ₹15,000 સુધીની રકમ ચૂકવવામાં આવશે. અગાઉ મળતી ₹7,500 ની ફિક્સ ભથ્થાની સુવિધા હટાવી દેવામાં આવી છે. તદુપરાંત, કર્મચારીઓને આ રકમમાંથી ટેક્સ કાપી લગભગ ₹6,500 મળે એવી શક્યતા છે.
ભથ્થા મળવાનો આધાર શું રહેશે?
- જેમણે ટૂર્નામેન્ટ દરમિયાન સંપૂર્ણ મુસાફરી કરી છે તેમને આખા દિવસ માટે પૂરું ભથ્થું મળશે.
- જેમણે મર્યાદિત દિવસો માટે મુસાફરી કરી છે તેમને માત્ર 60% ભથ્થું મળશે.
- જેમણે કોઈ મુસાફરી નથી કરી, તેમને ફક્ત 40% રકમ આપવામાં આવશે.
વિદેશ પ્રવાસ માટે શું છે ભથ્થું?
- સામાન્ય કર્મચારીઓને વિદેશ પ્રવાસે દૈનિક $300 (યુએસ ડોલર) ભથ્થું આપવામાં આવે છે.
- BCCIના ઉચ્ચ અધિકારીઓ, જેમ કે પ્રમુખ, સચિવ વગેરેને દરરોજ $1000 મળે છે.
- ભારતમાં એકદિનના પ્રવાસ માટે તેઓને ₹40,000, જ્યારે લાંબા પ્રવાસ માટે ₹30,000 મળે છે.
શા માટે આ પગલાં?
આ નિર્ણય પાછળનો ઉદ્દેશ વ્યાપક રીતે સ્ટાફ ખર્ચમાં ઘટાડો કરવાનો છે. વધુમાં, IPL અને WPL જેવી ટૂર્નામેન્ટ્સ દરમિયાન નાણાકીય વ્યવસ્થામાં પારદર્શિતા લાવવી અને ભથ્થા આપવાની નવી પ્રક્રિયા સુસંગત બનાવવી છે.
