ભારતીય વિકેટકીપર રિષભ પંત શુક્રવારે સવારે ઉત્તરાખંડના રૂરકી પાસે કાર અકસ્માતનો ભોગ બન્યો હતો. તેમને રૂરકીના મલ્ટીસ્પેશિયાલિટી અને ટ્રોમા સેન્ટરમાં દાખલ કરવામાં આવ્યા હતા, જ્યાં તેમને પ્રાથમિક સારવાર આપવામાં આવી હતી. આ પછી તેને મેક્સ હોસ્પિટલમાં ખસેડવામાં આવ્યો હતો. હવે પંતની ઈજા પર BCCI તરફથી પહેલું નિવેદન આવ્યું છે. ભારતીય ક્રિકેટ કંટ્રોલ બોર્ડે ઈજાની ગંભીરતાને લઈને નિવેદન જાહેર કર્યું છે.
બીસીસીઆઈએ માહિતી આપી હતી કે ઋષભ પંતના માથામાં બે કટ છે. તેના જમણા ઘૂંટણમાં અસ્થિબંધન ફાટી ગયું છે અને તેના જમણા કાંડા, પગની ઘૂંટી, પગના અંગૂઠામાં પણ ઈજાઓ છે. તેમજ તેની પીઠ પર ઘર્ષણની ઈજા છે. પંતની હાલત સ્થિર છે અને તેને હવે દેહરાદૂનની મેક્સ હોસ્પિટલમાં ખસેડવામાં આવ્યો છે. તેની ઈજાઓ અને વધુ સારવાર માટે એમઆરઆઈ સ્કેન કરવામાં આવશે.
BCCI સતત રિષભના પરિવારના સંપર્કમાં છે, જ્યારે મેડિકલ ટીમ રિષભની સારવાર કરી રહેલા ડૉક્ટરોના સતત સંપર્કમાં છે. બોર્ડ તેનું ધ્યાન રાખશે કે ઋષભને શ્રેષ્ઠ શક્ય તબીબી સંભાળ મળે અને આ પીડાદાયક તબક્કામાંથી બહાર આવવા માટે શક્ય તમામ મદદ મળે.
ટીમ ઈન્ડિયાનો સ્ટાર ક્રિકેટર ઋષભ પંત રોડ અકસ્માતનો શિકાર બન્યો છે. તેમની કાર રૂડકીમાં ડિવાઈડર સાથે અથડાઈ હતી. અકસ્માત બાદ કારમાં આગ લાગી હતી અને કાર સંપૂર્ણ બળીને ખાખ થઈ ગઈ હતી. કારનો કાચ તોડીને પંત પોતે બહાર આવ્યો અને પછી પોલીસ તેને હોસ્પિટલ લઈ ગઈ. પંત દિલ્હીથી ઉત્તરાખંડમાં પોતાના ઘરે પરત ફરી રહ્યા હતા. તેમની કારને રૂરકીની નરસન બોર્ડર પર હમ્માદપુર ઝાલ પાસે અકસ્માત નડ્યો હતો.
