ભારતીય ક્રિકેટ ટીમનો ભૂતપૂર્વ કેપ્ટન અને ધુંઆધાર ખેલાડી મહેન્દ્ર સિંહ ધોની હાલ તો પોતાનું વેકેશન માણી રહ્યો છે. શ્રીલંકા સામેની આગામી વન ડે સિરીઝમાં તે ફરીથી નવી તૈયારી સાથે મેદાનમાં ઉતરવા માગે છે. એટલે જ કદાચ ધોની અત્યારથી કંઈક તુફાની કરવા નીકળી પડ્યો છે. 36 વર્ષનો ધોની સ્કાઈ ડાઈવિંગની મજા ઉઠાવી રહ્યો છે.
કરી રહ્યો છે સ્કાઈ ડાઇવિંગ
ધોની સ્કાઈ ડાઇવિંગ કરતા પહેલા પોતાના ઇંસ્ટાગ્રામ પર ફોટ શેર કર્યો હતો. જેમાં તે પ્લેનમાંથી જમ્પ લગાવતા પહેલા તૈયારી કરતો જોઈ શકાય છે. ધોની કહે છે કે, ‘હજારો ફૂટ ઉપરથી ખુલ્લા આકાશમાં કુદવાનો અને પછી પેરેશુટ સાથે ઉડવાનો અનુભવ જ કંઈક અલગ હોય છે.’ લાગે છે ધોની આ તોફાની રોમાંચ અનુભવવા માગે છે.
તાજેતરમાં જમ્મુ-કશ્મીરના પ્રવાસે પણ ગયો હતો
તાજેતરમાં જ ધોની જમ્મુ-કશ્મીરના પ્રવાસે પણ ગયો હતો. જે દરમિયાન તેણે સેના દ્વારા આયોજીત કાર્યક્રમોમાં ભાગ લીધો હતો. તેમજ કેટલાય સ્થાનિક યુવા ક્રિકેટર્સને મળ્યો હતો.