અમદાવાદ : ક્રિકેટની જેમ હવે ધોની બિઝનેસમાં પણ આગેકુચ કરી રહ્યો છે. એટલે કે ધોનીએ કપડાની પોતાની “સેવન”બ્રાંડ શરૂ કર્યા બાદ હવે ક્રિકેટ એકેડેમી પણ શરૂ કરી રહ્યો છે. શું છે તેની ક્રિકેટ એકેડેમીનું નામ અને ક્યા શરૂ કરી રહ્યો છે તેની ક્રિકેટ એકેડેમી તેના પર એક નજર નાખીએ.
‘ધ મહેન્દ્ર સિંહ ધોની ક્રિકેટ એકેડમી’નું ઉદઘાટન
11 નવેમ્બર એટલે કે, શનિવારે તે દુબઈમાં પોતાની પહેલી ગ્લોબલ ક્રિકેટ એકેડમી – ધ મહેન્દ્રસિંહ ધોની ક્રિકેટ એકેડમીનું ઉદઘાટન કરશે. બીજા દિવસે ઊભરતા ક્રિકેટરો સાથે એક વિશેષ ક્રિકેટ ક્લિનિક પણ આયોજિત કરશે. આની સાથે જ ધોની એવો સક્રિય ક્રિકેટર બની જશે જેની પોતાની ક્રિકેટ એકેડમી છે. સ્પ્રિન્ગડેલ્સ સ્કૂલ કેમ્પસમાં એકેડમી ખોલવા માટે ધોનીની કંપનીએ દુબઈની પેસિફિક વેન્ચર્સ સાથે કરાર કર્યો છે.
આફ્રિકા-ઈંગ્લેન્ડમાં પણ ખુલશે ધોનીની એકેડેમી
આના પહેલા રિપોર્ટ્સ આવ્યા હતા કે, ધોની પોતાના બેઝનો વિસ્તાર કરી શકે છે સાથે જ શક્યતા છે કે, ઊભરતા ખેલાડી આ રમતની બારિકાઈ ખુલ ધોની પાસેથી શીખી શકશે. પેસિફિક વેન્ચર્સના ડિરેક્ટર પરવેઝ ખાને કહ્યું કે, આ એકેડેમી ખૂબ શાનદાર છે અને UAE ક્રિકેટ માટે મોટી વાત છે કે, અહીં એમએસ ધોની જેવા દિગ્ગજની એકેડેમી હશે. તેમણે કહ્યું કે, આ શરૂઆત છે. અમે સાઉથ આફ્રિકા અને બ્રિટેનમાં પણ આ એકેડેમીના વિસ્તારનો પ્રયત્ન કરી રહ્યાં છીએ.
જુલાઈમાં સ્ટોર પણ ખોલ્યો
આ વર્ષે જુલાઈમાં ધોનીએ પોતાના શહેર રાંચીના ન્યૂક્લિયસ મૉલમાં પહેલા આઉટલેટ સેવનનું ઉદઘાટન કર્યું હતું. ત્યારે ધોનીએ કહ્યું હતું કે, તેનો ટાર્ગેટ આખા દેશમાં આ પ્રકારના આઉટલેટ ખોલવાનો છે. ઉલ્લેખનીય છે કે, ભારત-ન્યૂઝીલેન્ડ ટી20 સીરીઝની છેલ્લી મેચમાં ભારતને જીત નોંધાવી શાનદાર શ્રેણી વિજય મેળવ્યો છે અને હવે પ્રવાસ પૂરો થતા જ ખેલાડીઓને થોડો ફ્રી સમય મળ્યો છે.