Hardik-Natasa Divorce: નતાસા સ્ટેનકોવિક અને હાર્દિક પંડ્યાએ છૂટાછેડાની જાહેરાત કરી છે ભારતીય ટીમના ઓલરાઉન્ડર હાર્દિક પંડ્યાની પત્ની નતાસા સ્ટેનકોવિકે છૂટાછેડા લીધા છે. હાર્દિક અને નતાશાએ પોતપોતાના સોશિયલ મીડિયા પર આ વાતની પુષ્ટિ કરી છે. બંનેએ એક સરખું નિવેદન જારી કરીને ચાહકોને આ અંગે જાણકારી આપી હતી. છેલ્લા કેટલાક સમયથી બંને વચ્ચે છૂટાછેડાના સમાચાર હતા. આજે તે પૂર્ણવિરામ પર આવી ગયું.
હાર્દિક પંડ્યા અને નતાસા સ્ટેનકોવિક વચ્ચે છૂટાછેડાના ચાલી રહેલા સમાચારો પર હવે પૂર્ણવિરામ આવી ગયું છે. હાર્દિક અને નતાશાએ પોતપોતાના સોશિયલ મીડિયા પર છૂટાછેડાની પુષ્ટિ કરી હતી.
ભારતીય ટીમના ઓલરાઉન્ડર હાર્દિક પંડ્યા અને તેની પત્ની નતાસા સ્ટેનકોવિક પરસ્પર સહમતિથી અલગ થઈ ગયા છે. IPL 2024થી બંને વચ્ચે અણબનાવ હતો. T20 વર્લ્ડ કપ દરમિયાન પણ નતાશા જીતના જશ્નથી દૂર જોવા મળી હતી. અનંત અંબાણીના લગ્નમાં હાર્દિક પણ એકલો જોવા મળ્યો હતો. હવે બંનેએ છૂટાછેડાની પુષ્ટિ કરી છે.
View this post on Instagram
‘નિર્ણય લેવો મુશ્કેલ હતો’
હાર્દિક પંડ્યાએ ઈન્સ્ટાગ્રામ પર પોસ્ટ શેર કરી અને લખ્યું, ચાર વર્ષ સાથે રહ્યા બાદ, નતાશા અને મેં પરસ્પર સંમતિથી અલગ થવાનો નિર્ણય લીધો છે… અમે આ સંબંધને બચાવવા માટે પૂરો પ્રયાસ કર્યો અને આપણું બધું આપ્યું, પરંતુ હવે અમને લાગે છે કે આ અમારા બંને માટે યોગ્ય નિર્ણય છે. અમારા માટે આ ખૂબ જ મુશ્કેલ નિર્ણય હતો, સાથે વિતાવેલી ખુશીની ક્ષણો, પરસ્પર આદર અને એકબીજાની કંપની, અમે જે કંઈ પણ સાથે વિતાવ્યું અને માણ્યું, અમે એક પરિવાર તરીકે આગળ વધ્યા.
View this post on Instagram
હાર્દિક પાસેથી વાઈસ કેપ્ટનશિપ છીનવાઈ ગઈ છે
BCCIએ ગુરુવારે શ્રીલંકા પ્રવાસ માટે ભારતીય ટીમની જાહેરાત કરી હતી. રોહિતની T20 આંતરરાષ્ટ્રીય ક્રિકેટમાંથી નિવૃત્તિ બાદ સૂર્યકુમાર યાદવને નવો કેપ્ટન બનાવવામાં આવ્યો છે. હાર્દિક પંડ્યા પણ કેપ્ટનશિપની રેસમાં હતો, પરંતુ તેને કેપ્ટન બનાવવામાં આવ્યો ન હતો. એટલું જ નહીં હાર્દિક પાસેથી વાઈસ કેપ્ટન્સી પણ છીનવાઈ ગઈ છે. શુભમન ગિલને ODI અને T20માં નવો વાઇસ કેપ્ટન બનાવવામાં આવ્યો છે.
