Hardik Pandya Injury: આંખ પર 7 ટાંકા છતાં તોફાની ઇનિંગ, મુંબઈને ભવ્ય જીત અપાવી
Hardik Pandya Injury મુંબઈ ઈન્ડિયન્સના કેપ્ટન હાર્દિક પંડ્યાએ તેના અભૂતપૂર્વ જુસ્સાથી તમામ ચાહકોને અચંબિત કરી દીધા. રાજસ્થાન રોયલ્સ સામેની મેચ પહેલા તેની આંખની ઉપર ગંભીર ઇજા થઇ હતી, જેને કારણે તેને તાત્કાલિક રીતે 7 ટાંકા લેવા પડ્યા હતા. તેમ છતાં હાર્દિકએ વિરામ નહીં લીધો અને સંપૂર્ણ પ્રતિબદ્ધતાથી મેદાનમાં ઉતરી, સતત છઠ્ઠી જીતમાં મહત્ત્વપૂર્ણ ભૂમિકા ભજવી.
મુંબઈ ઈન્ડિયન્સે પ્રથમ બેટિંગ કરતાં 217 રનનો મોટો સ્કોર ઊભો કર્યો. રોહિત શર્મા અને રાયન રિકેલ્ટને પ્રારંભમાં ધમાકેદાર શરૂઆત આપી. બંનેએ પ્રથમ વિકેટ માટે 116 રનની ભાગીદારી નોંધાવી. રોહિતે 53 અને રિકેલ્ટને 61 રન બનાવ્યા. ત્યારબાદ હાર્દિક અને સૂર્યકુમાર યાદવે રમતની ગતિ જાળવી રાખી. બંનેએ 48-48 રનની અણનમ ઇનિંગ રમી, જેમાં હાર્દિકે ફક્ત 23 બોલમાં 6 ચોગ્ગા અને 1 છગ્ગાની મદદથી આ રન બનાવ્યા.
રોહિત શર્માએ 36 બોલમાં 9 ચોગ્ગાની મદદથી 53 રન બનાવ્યા. રોહિતના આઉટ થયા પછી, સૂર્યકુમાર યાદવ અને હાર્દિક પંડ્યાએ 94 રનની અણનમ ભાગીદારી કરી. સૂર્યા અને હાર્દિકે 48-48 રન બનાવ્યા, બંને અણનમ રહ્યા અને બંનેએ 23-23 બોલ રમ્યા.
CAPTAIN HARDIK PANDYA:
– 7 stitches above his left eye while training.
– Decided to play the match.
– Scored 48* (23) with the bat.
– Picked 1/2 with the ball.THE COMMITMENT OF THE CAPTAIN! pic.twitter.com/zOlD0TcNQI
— Mufaddal Vohra (@mufaddal_vohra) May 1, 2025
મેચ પહેલા હાર્દિક પંડ્યાને 7 ટાંકા આવ્યા હતા
જ્યારે હાર્દિક પંડ્યા ટોસ માટે આવ્યો ત્યારે તેની આંખ પર પાટો બાંધેલો હતો અને તેણે ચશ્મા પણ પહેર્યા હતા. પછી ખબર પડી કે મેચ પહેલા તેની આંખ ઉપર ઈજા થઈ હતી અને તેને 7 ટાંકા આવ્યા હતા, તેમ છતાં તેણે આરામ ન લીધો અને તેના બદલે મહત્વપૂર્ણ મેચમાં મેદાનમાં ઉતર્યો.
હાર્દિક પંડ્યાએ તોફાની ઇનિંગ રમી, તેણે 23 બોલમાં 1 છગ્ગા અને 6 ચોગ્ગાની મદદથી 48 રન બનાવ્યા. લક્ષ્યનો પીછો કરતી વખતે, રાજસ્થાન રોયલ્સની આખી ટીમ 117 રનમાં ઓલઆઉટ થઈ ગઈ અને મુંબઈ ઈન્ડિયન્સે 100 રનથી મોટી જીત નોંધાવી. શાનદાર બેટિંગ બાદ કેપ્ટને 1 વિકેટ પણ લીધી. તેણે ફક્ત 1 ઓવર ફેંકી, જેમાં તેણે શુભમ દુબેને ફક્ત 2 રન આપ્યા, જે એક પ્રભાવશાળી ખેલાડી તરીકે આવ્યો હતો.
IPL 2025 પોઈન્ટ ટેબલમાં મુંબઈ ઈન્ડિયન્સ ટોચ પર
પહેલી 5 મેચમાં સંઘર્ષ કરી રહેલી મુંબઈ ઈન્ડિયન્સ હવે જીતની લહેર પર છે. તેણે સતત 6 મેચ જીતી છે. IPL 2025 માં 11 મેચમાં આ તેની 7મી જીત છે. 14 પોઈન્ટ સાથે, ટીમ પોઈન્ટ ટેબલમાં પ્રથમ સ્થાને પહોંચી ગઈ છે. હવે જો તે વધુ એક મેચ જીતે છે, તો પ્લેઓફમાં તેનું સ્થાન લગભગ નિશ્ચિત થઈ જશે.
