ICC New Cricket Rules 2025: સ્ટોપ ક્લોકથી લઈ DRS સુધી, ICCએ તમામ ફોર્મેટ માટે 8 મોટા બદલાવ કર્યા.
ICC New Cricket Rules 2025: વર્લ્ડ ટેસ્ટ ચેમ્પિયનશિપ (WTC) 2025 ફાઇનલ બાદ ICC એ ક્રિકેટના તમામ ફોર્મેટ માટે 8 મોટા નિયમોમાં ફેરફાર કરવાની જાહેરાત કરી છે. નવા નિયમો ટેસ્ટ ચક્ર 2025-27 માટે તરત લાગુ થઈ ગયા છે અને સફેદ બોલ ક્રિકેટમાં 2 જુલાઈથી અમલમાં આવશે.
1. ટેસ્ટ મેચમાં હવે સ્ટોપ ક્લોક લાગુ
ટેસ્ટ મેચમાં પહેલીવાર “સ્ટોપ ક્લોક” નિયમ લાગુ કરાયો છે. હવે ફિલ્ડિંગ ટીમને 60 સેકન્ડની અંદર નવી ઓવર શરૂ કરવી પડશે. બે ચેતવણીઓ પછી નિયમ ભંગ થાય તો દરેક વખત પાંચ રનનો દંડ લાગશે. 80 ઓવર પછી ચેતવણીઓ રીસેટ થશે.
2. ODI ક્રિકેટમાં હવે ફક્ત એક બોલ
ODI મેચમાં હવે બંને ઇનિંગ દરમિયાન ફક્ત એક જ બોલનો ઉપયોગ થશે. અગાઉ 25-25 ઓવરમાં અલગ-અલગ બે બોલ વપરાતાં હતા. આ ફેરફાર બોલિંગ અને બેટિંગ વચ્ચેનું સંતુલન બદલશે.
3. લાળના ઉપયોગ પર અમલકર્તા નિર્ણય કરશે
હવે બોલ પર લાળ લગાવવાથી નિષ્ણાત અમ્પાયર નિર્ણય કરશે કે બોલ બદલવો છે કે નહીં. ખોટી રીતે બોલને અસર પહોંચાડવા બદલ હજુ પણ પાંચ રનનો દંડ રહેશે.
4. નો-બોલ પર કેચ પણ ચેક થશે
અગાઉ નો-બોલ પર કેચની ચકાસણી થતી ન હતી. હવે કેચ લેગલ છે કે નહીં તે પણ DRS દ્વારા ચકાસવામાં આવશે. કેચ સાચો હશે તો એક જ રન મળશે, નહીં તો તમામ રન ગણાશે.
5. ટૂંકા રન પર દંડ
જો બેટ્સમેન ઇરાદાપૂર્વક ટૂંકા રન લે છે, તો ટીમને 5 રનનો દંડ મળશે. સાથે જ સ્ટ્રાઈક કોણ લેશે તે અમ્પાયર નક્કી કરશે.
6. LBW અને રનઆઉટ અપીલ માટે સ્પષ્ટતા
LBW અને રનઆઉટ બંને અપીલ હોય ત્યારે પહેલા LBW ચકાસવામાં આવશે. કારણ કે LBW આઉટ હોવાનું સાબિત થાય તો બોલ તરત ડેડ ગણાશે.
7. બાઉન્ડ્રી બહાર કેચિંગમાં કડક નિયમ
હવે ફક્ત એકવાર જ બોલને સ્પર્શ કરી શકાય છે જો ફિલ્ડર હવામાં હોય. બોલ પર નિયંત્રણ હોવું જરૂરી છે નહીં તો કેચ માન્ય ગણાશે નહીં.
8. DRSમાં LBW પણ ચકાસાશે
જો કેચના રિવ્યૂમાં જણાય કે બોલ પેડ પર લાગ્યો છે, તો હવે ત્રીજા અમ્પાયર LBW પણ ચકાસશે. અમ્પાયર કોલ આવ્યો હોય તો બેટ્સમેન આઉટ ગણાશે.
આ નવા નિયમો ક્રિકેટના દરેક ફોર્મેટમાં નવો દિશા બદલાવ લાવશે.
