IND vs AUS: ગૌતમ ગંભીર ટીમ ઈન્ડિયાની સૌથી મોટી મૂંઝવણ ઉકેલશે
IND vs AUS ભારત અને ઓસ્ટ્રેલિયા વચ્ચે પાંચ મેચોની સીરિઝનું બીજું ટેસ્ટ હવે એડિલેડમાં રમાશે. એડિલેડ ટેસ્ટ પહેલા ભારતની સામે સૌથી મોટી મુંઝવણ કેપ્ટન રોહિત શર્માની છે અને હવે મુખ્ય કોચ ગૌતમ ગંભીર આ દુવિધાને ઉકેલશે..
ગંભીર, જેમણે પહેલી ટેસ્ટ પછી વ્યક્તિગત કારણોસર ભારત પરત ફરી ગયા હતા,
હવે એડિલેડ ટેસ્ટ માટે ટીમ સાથે જોડાઇ ચુકયા છે. શનિવાર અને રવિવારે પ્રધાનમંત્રી ઇલેવન સામે રમાયેલા બે દિવસના પ્રેક્ટિસ મેચમાં તેઓ હાજર નહોતા. તેઓ 26 નવેમ્બરે ઓસ્ટ્રેલિયાથી ભારત પરત ફર્યા હતા.
IND vs AUS ગંભીરની ગેરહાજરીમાં કોચિંગ સ્ટાફના સભ્યો અભિષેક નાયર, રેયન ટેન ડોશેટ અને મોર્ને મોર્કલ એ ટીમના ટ્રેનિંગ અને કેનબ્રા ખાતેના મેચની દેખરેખ કરી હતી. હવે, એડિલેડ ટેસ્ટ પહેલા ઓપનિંગ માટે મહત્વપૂર્ણ નિર્ણય લેવાનો છે, ખાસ કરીને રોહિત શર્માના ખેલ વિશે, જે પહેલાના ટેસ્ટમાં રમ્યાં નથી પરંતુ હવે ટીમ સાથે જોડાયા છે.
https://twitter.com/CricCrazyJohns/status/1863769465315643892
ગંભીર આ સંયોજન સાથે આગળ વધી શકે છે
એવી અપેક્ષા રાખવામાં આવે છે કે એડિલેડ ટેસ્ટમાં ગંભીર પર્થ ટેસ્ટ જીતનારી ટીમની ઓપનિંગ જોડીને જ મેદાનમાં ઉતારશે, જેમાં કેએલ રાહુલની સાથે યશસ્વી જયસ્વાલે શાનદાર પ્રદર્શન કરીને ઇનિંગની શરૂઆત કરી હતી. પ્રાઈમ મિનિસ્ટર ઈલેવન સામે પણ ભારતે યશસ્વી અને રાહુલની જોડીને ઓપનિંગમાં ઉતારી હતી. પર્થ સિવાય આ જોડીએ પ્રેક્ટિસ મેચોમાં પણ શાનદાર પ્રદર્શન કર્યું હતું.
રોહિત પ્રેક્ટિસ મેચમાં ફ્લોપ થયો
ઓસ્ટ્રેલિયા પ્રાઈમ મિનિસ્ટર ઈલેવન સામેની મેચમાં રોહિત શર્મા કંઈ ખાસ કરી શક્યો ન હતો અને માત્ર ત્રણ રન બનાવી શક્યો હતો. આ મેચનો પ્રથમ દિવસ વરસાદને કારણે ધોવાઈ ગયો હતો. બાદમાં, બંને ટીમોના કેપ્ટનોએ ખાતરી કરી કે બીજા દિવસે બંને ટીમો 50-50 ઓવર રમશે. આ મેચમાં ભારતે બોલરોના શાનદાર પ્રદર્શન બાદ બેટ્સમેનોની શાનદાર ઇનિંગ્સની મદદથી છ વિકેટે જીત મેળવી હતી. ભારત તરફથી શુભમન ગિલે 50 રનની તોફાની ઇનિંગ રમી હતી. ટીમની જીતમાં ફાસ્ટ બોલર હર્ષિત રાણાએ પણ મહત્વની ભૂમિકા ભજવી હતી, જેણે ચાર કાંગારુ બેટ્સમેનોને પેવેલિયનનો રસ્તો બતાવ્યો હતો.
