IND vs BAN 2nd Test: રોહિત-યશસ્વીએ 3 ઓવરમાં 51 રન બનાવીને ઈતિહાસ રચ્યો
IND vs BAN 2nd Test: રોહિત શર્મા અને યશસ્વી જયસ્વાલે કાનપુર ટેસ્ટમાં ભારતને વિસ્ફોટક શરૂઆત આપી હતી. ટીમ ઈન્ડિયાએ 3 ઓવરમાં 51 રન બનાવ્યા હતા.
IND vs BAN 2nd Test: ટીમ ઈન્ડિયાએ કાનપુર ટેસ્ટમાં બાંગ્લાદેશને જડબાતોડ જવાબ આપ્યો છે. રોહિત શર્મા અને યશસ્વી જયસ્વાલે તેને પ્રથમ દાવમાં શાનદાર શરૂઆત અપાવી હતી. રોહિત અને યશસ્વીએ માત્ર 3 ઓવરમાં જ સ્કોરને 50 રનની પાર પહોંચાડી દીધો હતો. આ દરમિયાન રોહિત 11 બોલમાં 23 રન બનાવીને આઉટ થયો હતો. જ્યારે યશસ્વી 72 રન બનાવીને પેવેલિયન પરત ફર્યો હતો. આ બંને વચ્ચેની ભાગીદારીએ ટેસ્ટ રેકોર્ડ બનાવ્યો છે.
રોહિત અને યશસ્વીના દમ પર ટીમ ઈન્ડિયાએ ઈતિહાસ રચ્યો છે.
ટેસ્ટ ક્રિકેટમાં સૌથી ઝડપી 50 રન બનાવવાનો રેકોર્ડ ટીમ ઈન્ડિયાના નામે છે. રોહિત અને યશસ્વીએ 3 ઓવરમાં 51 રન બનાવ્યા હતા. આ પહેલા ટેસ્ટ ક્રિકેટમાં સૌથી ઝડપી 50 રનનો રેકોર્ડ ઈંગ્લેન્ડના નામે હતો. ઈંગ્લેન્ડે વેસ્ટ ઈન્ડિઝ સામે 4.2 ઓવરમાં 50 રનના આંકને સ્પર્શ કર્યો હતો. જ્યારે ઇંગ્લેન્ડે 1994માં દક્ષિણ આફ્રિકા સામે 4.3 ઓવરમાં 50 રન બનાવ્યા હતા.
https://twitter.com/BCCI/status/1840665867467571293
રોહિત-યશસ્વીએ ધમાકેદાર પ્રદર્શન કર્યું –
રોહિત અને યશસ્વીએ કાનપુર ટેસ્ટમાં શાનદાર પ્રદર્શન કર્યું હતું. 51 બોલનો સામનો કરતા યશસ્વીએ 12 ચોગ્ગા અને 2 છગ્ગા ફટકાર્યા હતા. આ દરમિયાન તેણે 72 રન બનાવ્યા હતા. રોહિત શર્માએ 11 બોલમાં 23 રન બનાવ્યા હતા. રોહિતની ઇનિંગમાં 3 સિક્સ અને એક ફોરનો સમાવેશ થાય છે. આઉટ થતા પહેલા યશસ્વીએ ટીમ ઈન્ડિયાના સ્કોરને 100 રનની પાર પહોંચાડી દીધો હતો.
ટેસ્ટમાં સૌથી ઝડપી 100 રનનો રેકોર્ડ પણ ટીમ ઈન્ડિયાના નામે છે.
ટીમ ઈન્ડિયાએ ટેસ્ટમાં સૌથી ઝડપી 100 રનનો રેકોર્ડ પણ બનાવ્યો હતો. ભારતે બાંગ્લાદેશ સામે 10.1 ઓવરમાં આ સિદ્ધિ મેળવી છે. આ પહેલા પણ આ રેકોર્ડ ભારતના નામે હતો. ટીમ ઈન્ડિયાએ 2023માં વેસ્ટ ઈન્ડિઝ સામે 12.2 ઓવરમાં 100 રનનો આંકડો સ્પર્શ કર્યો હતો.
બાંગ્લાદેશે પ્રથમ દાવમાં 233 રન બનાવ્યા હતા.
બાંગ્લાદેશે પ્રથમ દાવમાં ઓલઆઉટ થતાં સુધીમાં 233 રન બનાવ્યા હતા. તેના માટે મોમિનુલ હકે અણનમ સદી ફટકારી હતી. તેણે 194 બોલમાં અણનમ 107 રન બનાવ્યા હતા. આ દરમિયાન તેણે 17 ફોર અને 1 સિક્સ ફટકારી હતી. કેપ્ટન નઝમુલ હુસૈન શાંતોએ 31 રનની ઇનિંગ રમી હતી.
