IND vs BAN: સૂર્યકુમાર 27 રન બનાવતાની સાથે જ 3 બેટ્સમેનોને હરાવી દેશે
IND vs BAN: કેપ્ટન સૂર્યકુમાર યાદવ બાંગ્લાદેશ સામેની આગામી T20I શ્રેણીમાં એક્શનમાં રહેશે. સૂર્યકુમાર પાસે પ્રથમ T20I દરમિયાન એક નહીં પરંતુ ત્રણ ખેલાડીઓને પાછળ છોડવાની તક છે. T20Iમાં સૌથી વધુ રન બનાવનાર ખેલાડીઓની યાદીમાં સૂર્યકુમાર 19મા સ્થાને છે. જો તે પ્રથમ મેચમાં 27 રન બનાવી લે છે તો શોએબ મોર્ગન અને મિલરને પાછળ છોડી શકે છે.
IND vs BAN: ભારતીય T20I કેપ્ટન સૂર્યકુમાર યાદવ ટૂંક સમયમાં બાંગ્લાદેશ સામે T20I શ્રેણીમાં રમતા જોવા મળશે. જ્યારે તે 6ઠ્ઠી ઓક્ટોબરે બાંગ્લાદેશ સામેની પ્રથમ મેચમાં મેદાનમાં ઉતરશે ત્યારે તેની પાસે પાકિસ્તાનના ભૂતપૂર્વ કેપ્ટન શોએબ મલિકને પાછળ છોડવાની મોટી તક છે. આ સિવાય સૂર્યા ડેવિડ મિલર અને ઈયોન મોર્ગનને પણ પાછળ છોડી શકે છે.
વાસ્તવમાં, સૂર્યાએ અત્યાર સુધી T20Iની માત્ર 68 ઇનિંગ્સમાં 42.66ની એવરેજ અને 168.65ની સ્ટ્રાઇક રેટથી 2432 રન બનાવ્યા છે. સૂર્યા હાલમાં ટી20માં સૌથી વધુ રન બનાવનાર ખેલાડીઓની યાદીમાં 19મા સ્થાને છે. સૂર્યા બાંગ્લાદેશ સામે ચાર રન બનાવતાની સાથે જ પાકિસ્તાનના શોએબ મલિકને પાછળ છોડી દેશે. મલિકે T20Iમાં 2435 રન બનાવ્યા છે. દરમિયાન, ભારતના T20I કેપ્ટન પાસે પણ શ્રેણીની પ્રથમ મેચમાં ડેવિડ મિલર અને ઇયોન મોર્ગનને પાછળ છોડવાની તક છે.
સૂર્યા કરતા વધુ રન બનાવનાર બેટ્સમેન
- ઇયોન મોર્ગન- 2458
- ડેવિડ મિલર- 2437
- શોએબ મલિક- 2435
- સૂર્યકુમાર યાદવ- 2432
પ્રથમ T20I મેચ ગ્વાલિયરમાં રમાશે
મિલરને પાછળ છોડવા માટે સૂર્યકુમારને માત્ર 6 રનની જરૂર છે. આ સાથે જ મોર્ગનને પછાડવા માટે 27 રનની જરૂર છે. જો તે ગ્વાલિયર T20Iમાં 27 રનનો આંકડો પાર કરે છે, તો સૂર્યા પાસે T20Iમાં સૌથી વધુ રન બનાવનાર ખેલાડીઓની યાદીમાં 15મા સ્થાને પહોંચવાની તક છે. સૂર્યકુમાર યાદવ ભારત માટે ત્રીજા સૌથી વધુ રન બનાવનાર બેટ્સમેન છે. સૂર્યા પાસે બાંગ્લાદેશ સામે ટી20માં 3000 રન પૂરા કરવાની પણ તક છે.
ટીમો ગ્વાલિયર પહોંચી
નોંધનીય છે કે ભારત અને બાંગ્લાદેશ વચ્ચે પ્રથમ T20I મેચ ગ્વાલિયરના ન્યૂ માધવરાવ સિંધિયા ઇન્ટરનેશનલ ક્રિકેટ સ્ટેડિયમમાં રમાશે. બંને ટીમો ગ્વાલિયર પહોંચી ગઈ છે. અહીં ભારત અને બાંગ્લાદેશે પ્રેક્ટિસ સેશનમાં ભાગ લીધો હતો. બંને ટીમના ખેલાડીઓએ ઘણો પરસેવો પાડ્યો હતો.
