IND vs ENG Test Loss: પ્રેસ કોન્ફરન્સમાં મુખ્ય કોચે ટીમની ભૂલો પણ માની અને યુવા ખેલાડીઓને સમય આપવાની માગ પણ કરી
IND vs ENG Test Loss: લીડ્સ ટેસ્ટમાં ભારતની ઇંગ્લેન્ડ સામે 5 વિકેટની હાર પછી મુખ્ય કોચ ગૌતમ ગંભીર મિડિયા સમક્ષ આવ્યા. તેમનું નિવેદન સ્પષ્ટ હતું – હાર માટે કોઈ બહાનું નથી, પરંતુ ભારતીય ટીમ એક શીખવાના અને વિકસવાનો સમય પસાર કરી રહી છે. IND vs ENG 1લી ટેસ્ટમાં જ્યારે ભારતે પ્રથમ ઇનિંગમાં દમદાર બેટિંગ કરી, ત્યારે એવું લાગી રહ્યું હતું કે ટીમ વિજય તરફ આગળ વધી રહી છે. પરંતુ ફિલ્ડિંગમાં નિષ્ફળતા, બોલિંગમાં ખોટો દબાવ અને નીચલા ક્રમના બેટ્સમેનનો પતન ભારતની હારનું કારણ બન્યા.
અનુભવી બોલિંગ ઓપ્શનનો અભાવ – સતત હાર પાછળનું એક મુખ્ય કારણ
પ્રેસ કોન્ફરન્સમાં ગૌતમ ગંભીર સ્પષ્ટ રીતે કહ્યું કે જસપ્રીત બુમરાહ અને મોહમ્મદ સિરાજ સિવાય ભારતીય ઝડપી બોલિંગ લાઈનઅપમાં પૂરતો અનુભવ નથી. પ્રસિદ્ધ કૃષ્ણા, હર્ષિત રાણા અને અર્શદીપ સિંહ જેવા યુવાન બોલરો હજુ પણ અનુભવના અભાવે સંઘર્ષ કરી રહ્યાં છે. “તમે તેમને દર ટેસ્ટ પછી જજી કરીશું તો તેઓ કેવી રીતે શીખશે?” – એમ તેમણે કહ્યું.
પ્રસિદ્ધ કૃષ્ણાની બોલિંગ અંગે તેમણે કહ્યું કે તેણે મહત્વપૂર્ણ વિકેટો લીધી અને તેણે બતાવ્યું છે કે તે એક શ્રેષ્ઠ ટેસ્ટ બોલર બની શકે છે. “તેમાં બાઉન્સ છે, સ્પીડ છે અને મેન્ટલ સ્ટ્રેન્થ પણ છે,” એમ ગંભીરે ઉમેર્યું.
ફિલ્ડિંગે લચકો દેખાડ્યો, પણ ગંભીરે પૂરેપૂરી માફી નહીં માગી
મેચ દરમિયાન યશસ્વી જયસ્વાલે એકલા 4 કેચ છોડ્યા, પરંતુ ગંભીરનું કહેવું છે કે, “વિશ્વના શ્રેષ્ઠ ફિલ્ડરો પણ કેચ છોડે છે, કોઈ પણ જણભી જાણીને ડ્રોપ નથી કરતું.” જોકે તેમણે ભારપૂર્વક કહ્યું કે 140 કરોડ લોકોના પ્રતિનિધિત્વ કરતી ટીમ માટે હાર કેટલી પણ મુશ્કેલ હોય, તેનો કોઈ બહાનો નહિ બને.
શુભમન ગિલ પર વિશ્વાસ, પણ ભવિષ્ય માટે દબાણ પણ
કોચે ગિલની કેપ્ટનશીપ અને બેટિંગની પ્રશંસા કરી, પરંતુ સાથે જ કહ્યું કે “સમય આપવો પડશે,” કારણ કે એક યંગ ટીમ માટે સતત 7મો પરાજય ચોક્કસ ચિંતાનું કારણ છે. તેમણે ઉમેર્યું કે, “જ્યારે તમારું પ્રતિનિધિત્વ દેશ માટે હોય, ત્યારે દરેક હાર દુખદ હોય છે, યુવા હોય કે જુના ખેલાડી – જવાબદારી બધાની છે.”
