IPL 2025 સંકટમાં? તણાવ વચ્ચે BCCIએ ખેલાડીઓ માટે સલામતીના પગલાં લીધાં
ભારત-પાકિસ્તાન તણાવ વચ્ચે IPL મેચ રદ
IPL 2025 ભારત અને પાકિસ્તાન વચ્ચે વધતા તણાવના કારણે IPL 2025 પર પણ અસર જોવા મળી રહી છે. ધર્મશાલામાં પંજાબ કિંગ્સ અને દિલ્હી કેપિટલ્સ વચ્ચે ચાલી રહેલી મેચ દરમિયાન અચાનક અંધારપટ છવાતા અને ફ્લડલાઈટ બંધ થતાં મેચને અધવચ્ચે રદ કરવી પડી હતી. હાલની પરિસ્થિતિએ સમગ્ર ટુર્નામેન્ટના ભવિષ્ય પર પ્રશ્નચિહ્ન ઊભું કર્યું છે.
BCCIનો સંભાળ ભરેલો નિર્ણય
IPL ચેરમેન અરુણ ધુમલ અને BCCIએ તરત જ કાર્યવાહી કરી. દર્શકોને સ્ટેડિયમ ખાલી કરવા કહેવામાં આવ્યું અને ખેલાડીઓને સલામત સ્થળે લઈ જવાની તૈયારી શરૂ કરવામાં આવી. BCCIના ઉપપ્રમુખે જાહેરાત કરી કે તમામ ખેલાડીઓ માટે ખાસ ટ્રેન ચલાવવામાં આવશે, જેથી તેમને સુરક્ષિત સ્થાનો સુધી પહોંચાડી શકાય.
https://twitter.com/mufaddal_vohra/status/1920521593740029992
9 મેના રોજ નિર્ણય લેવામાં આવશે
IPLની 18મી સીઝન ચાલુ રહેશે કે નહીં, તેનું ભવિષ્ય 9 મેના રોજ નક્કી થશે. BCCIએ જણાવ્યું છે કે ખેલાડીઓની સલામતી એ તેમની પ્રથમ પ્રાથમિકતા છે અને પરિસ્થિતિને જોતા ટૂર્નામેન્ટ અંગે નિર્ણયો લેવામાં આવશે.
મેચ દરમિયાન ભયનો માહોલ
જ્યારે પંજાબ અને દિલ્હી વચ્ચે 10.1 ઓવર સુધી મેચ ચાલી હતી, ત્યારે એક પછી એક ફ્લડલાઈટ્સ બંધ થવા લાગી. મેદાન પર અંધારું છવાતા તમામ ખેલાડીઓ ડ્રેસિંગ રૂમ તરફ વળ્યા. ચેરમેન અરુણ ધુમલ પોતે મેદાન પર આવીને દર્શકોને શાંતિથી બહાર નીકળવા વિનંતી કરતા નજરે પડ્યા.
તણાવના કારણે IPL 2025નું શેડ્યૂલ પૂરું ચાલશે કે નહીં એ અનિશ્ચિત છે, પણ BCCIની તાત્કાલિક કામગીરી અને ખેલાડીઓની સલામતી માટે લેવામાં આવેલા પગલાં વખાણવા યોગ્ય છે. શુક્રવારનો નિર્ણય IPL પ્રેમીઓ માટે નિર્દેશક રહેશે.
