નવી દિલ્હી : ઇન્ડિયન પ્રીમિયર લીગ (આઈપીએલ) ની 14 મી સીઝનનું બ્યુગલ ફૂંકાઈ ચૂક્યું છે. આઈપીએલ 2021 ની હરાજી 18 ફેબ્રુઆરીએ ચેન્નઇમાં થશે. અહેવાલ મુજબ હરાજી બપોરે ત્રણ વાગ્યે શરૂ થશે. આઈપીએલ 2021 ની હરાજી માટે કુલ 1097 ખેલાડીઓએ નોંધણી કરાવી છે. જેમાં 814 ભારતીય અને 283 વિદેશી ખેલાડીઓ શામેલ છે. આઇપીએલે ટ્વીટ કરીને આ વિશે માહિતી આપી હતી.
હરાજી માટે નોંધણી કરાવનારા 283 વિદેશી ખેલાડીઓ પૈકી, વેસ્ટ ઇન્ડીઝમાંથી સૌથી વધુ (56) ખેલાડીઓ છે. આ પછી ઓસ્ટ્રેલિયાના 42 ખેલાડીઓએ હરાજી માટે પોતાનાં નામ આપ્યા છે. દક્ષિણ આફ્રિકાના 38 ખેલાડીઓ, શ્રીલંકાથી 31, ન્યુઝીલેન્ડના 29, ઇંગ્લેન્ડના 21, યુએઈના 9, નેપાળના 8, સ્કોટલેન્ડના 7, બાંગ્લાદેશના 5 અને આયરલેન્ડ, ઝિમ્બાબ્વે, યુએસએ અને નેધરલેન્ડના બે ખેલાડીઓએ હરાજી માટે નોંધણી કરાવી છે.
https://twitter.com/IPL/status/1357661407794262018
રજીસ્ટ્રેશન કરાવનાર ખેલાડીઓ
કેપ્ડ ભારતીય (21 ખેલાડીઓ)
કેપ્ડ ઇન્ટરનેશનલ (186 ખેલાડીઓ)
એસોસિએટ નેશન્સ (27 ખેલાડીઓ)
ઓછામાં ઓછા 1 આઈપીએલ મેચ રમી ચૂકેલા અનકેપ્ડ ભારતીય ખેલાડીઓ (50 ખેલાડીઓ)
ઓછામાં ઓછા 1 આઈપીએલ મેચ રમનારા વિદેશી અનકેપ્ડ ખેલાડીઓ (2 ખેલાડીઓ)
અનકેપ્ડ ભારતીય (743 ખેલાડીઓ)
અનપેપ્ડ આંતરરાષ્ટ્રીય (68 ખેલાડીઓ)