KKR vs RCB IPL 2025: વિરાટ કોહલી અને ફિલ સોલ્ટની વિસ્ફોટક ફિફ્ટી, RCBએ શાનદાર જીત સાથે IPLની શરૂઆત કરી
KKR vs RCB IPL 2025 : IPL 2025 ની પ્રથમ મેચમાં રોયલ ચેલેન્જર્સ બેંગ્લોર (RCB) એ કોલકાતા નાઈટ રાઈડર્સ (KKR) ને 16.2 ઓવરમાં 3 વિકેટે હરાવીને વિજય મેળવ્યો. વિરાટ કોહલી અને ફિલ સોલ્ટની શાનદાર બેટિંગ RCB માટે જીતની ચાવી સાબિત થઈ. આ મેચ કોલકાતાના ઇડન ગાર્ડન્સ સ્ટેડિયમમાં રમાઈ હતી.
વિરાટ કોહલી અને ફિલ સોલ્ટની તોફાની ઈનિંગ
RCBએ 175 રનના લક્ષ્યાંકને સરળતાથી હાંસલ કરી લીધો. વિરાટ કોહલી અને ફિલ સોલ્ટની ઓપનિંગ પાર્ટનરશીપે RCBને મજબૂત શરૂઆત આપી. કોહલીએ 36 બોલમાં 59 રન બનાવ્યા જ્યારે ફિલ સોલ્ટે 31 બોલમાં 56 રન ફટકાર્યા. સોલ્ટે 9 ચોગ્ગા અને 2 છગ્ગા ફટકારીને રનચેસ માટે મજબૂત પાયો નાખ્યો.
દેવદત્ત પડિકલ 10 બોલમાં 10 રન બનાવીને આઉટ થયો, જ્યારે કેપ્ટન રજત પાટીદારે 16 બોલમાં 34 રનનું યોગદાન આપ્યું. લિયામ લિવિંગસ્ટોન 5 બોલમાં 15 રન બનાવીને અણનમ રહ્યો.
KKR માટે અજિંક્ય રહાણે અને નારાયણની મહેનત બેકાર ગઈ
અગાઉ, KKRએ પ્રથમ બેટિંગ કરતા 8 વિકેટે 174 રન બનાવ્યા. કેપ્ટન અજિંક્ય રહાણેએ 25 બોલમાં ફિફ્ટી ફટકારી. સુનીલ નારાયણે 26 બોલમાં 44 રન બનાવ્યા. બંનેએ બીજી વિકેટ માટે 103 રનની ભાગીદારી કરી.
RCB માટે શ્રેષ્ઠ બોલર:કૃણાલ પંડ્યાએ 4 ઓવરમાં 29 રન આપી 3 વિકેટ લીધી, જ્યારે જોશ હેઝલવુડે 4 ઓવરમાં 22 રન આપી 2 વિકેટ લીધી.
RCBની IPL 2025ની ભવિષ્યવાણી
RCBની આ શરૂઆત IPL 2025 માટે ખૂબ જ મહત્વની છે. કોહલી અને સોલ્ટની ઓપનિંગ પાર્ટનરશીપ અને પાટીદારની કેપ્ટનશીપથી ટીમનું મોરાલ ઉંચું છે. જો તેઓ આ મોમેન્ટમ જાળવી રાખશે, તો IPL 2025 માં તેઓ મજબૂત દાવેદાર બની શકે છે.
