CSK vs KKR: ચેપોક સ્ટેડિયમમાં ચેન્નાઈ સુપર કિંગ્સ અને કોલકાતા નાઈટ રાઈડર્સ વચ્ચે મેચ રમાઈ રહી છે. આ મેચમાં ટોસ હાર્યા બાદ પ્રથમ બેટિંગ કરવા આવેલી શ્રેયસ અય્યરની ટીમ પત્તાની જેમ વિખરાયેલી જોવા મળી હતી.બેટિંગ કરતી વખતે KKRએ 20 ઓવરમાં 138 રન બનાવી લીધા છે. ચેન્નાઈ તરફથી શાનદાર બોલિંગ થઈ, જેના કારણે KKR મોટો સ્કોર કરી શક્યું નહીં. ચાલો તમને જણાવીએ કે કેકેઆરની ઈનિંગ્સ કેવી રહી હતી…
ટોસ હાર્યા બાદ પ્રથમ બેટિંગ કરવા આવેલી કોલકાતા નાઈટ રાઈડર્સની ટીમની શરૂઆત સારી રહી ન હતી કારણ કે ફિલિપ સોલ્ટ પહેલા જ બોલ પર શૂન્ય રને આઉટ થઈને પેવેલિયન પરત ફર્યો હતો. પરંતુ તે પછી ફિલિપ સોલ્ટ અને અગરીશ રઘુવંશી વચ્ચે અડધી સદીની ભાગીદારી થઈ, જેણે KKRની ઇનિંગ્સને સંભાળી લીધી. ત્યારબાદ સુનીલ નારાયણ 27(20)ના સ્કોર પર આઉટ થયો હતો. રઘુવંશી 24(18), વેંકટેશ ઐયર 3(8), રમનદીપ સિંઘ 13(12), રિંકુ સિંઘ 9(14), આન્દ્રે રસેલ 10(10), મિચેલ સ્ટાર્ક 0 રને આઉટ થયા હતા. શ્રેયસ અય્યરે 32 બોલમાં 34 રનની ઇનિંગ રમી હતી, જે આ ઇનિંગમાં KKR માટે રમાયેલી સૌથી મોટી ઇનિંગ હતી.
https://twitter.com/IPL/status/1777363935504879711
તેમાં કોઈ શંકા નથી કે કોઈપણ ટીમ માટે ચેન્નાઈને તેના ઘરઆંગણે હરાવવું આસાન નથી. હવે સતત 3 મેચ જીતીને આવી રહેલી KKR પણ પહેલા બેટિંગ કરવા આવી હતી, પરંતુ બોર્ડ પર મોટો સ્કોર લગાવી શકી નહોતી. વાસ્તવમાં ચેન્નાઈ સુપર કિંગ્સ તરફથી શાનદાર બોલિંગ જોવા મળી હતી. તુષાર દેશપાંડે અને રવિન્દ્ર જાડેજાએ 3-3, મુસ્તફિઝુર રહેમાને 2 અને મહિષ તિક્ષાનાએ 1 વિકેટ લીધી હતી.
કોલકાતા નાઈટ રાઈડર્સ (પ્લેઈંગ ઈલેવન): ફિલિપ સોલ્ટ (વિકેટકીપર), સુનીલ નારાયણ, વેંકટેશ ઐયર, શ્રેયસ ઐયર (કેપ્ટન), અંગક્રિશ રઘુવંશી, આન્દ્રે રસેલ, રિંકુ સિંહ, રમનદીપ સિંહ, મિશેલ સ્ટાર્ક, વૈભવ અરોરા, વરુણ ચક્રવર્તી.
ચેન્નાઈ સુપર કિંગ્સ (પ્લેઈંગ ઈલેવન): રુતુરાજ ગાયકવાડ (કેપ્ટન), રચિન રવિન્દ્ર, અજિંક્ય રહાણે, ડેરિલ મિશેલ, સમીર રિઝવી, રવિન્દ્ર જાડેજા, એમએસ ધોની (ડબ્લ્યુ), શાર્દુલ ઠાકુર, મુસ્તફિઝુર રહેમાન, તુષાર દેશપાંડે, મહેશ થેક્ષાના.
કોલકાતા નાઈટ રાઈડર્સના અવેજી ખેલાડીઓ: સુયશ શર્મા, અનુકુલ રોય, મનીષ પાંડે, રહેમાનુલ્લા ગુરબાઝ, સાકિબ હુસૈન.
ચેન્નાઈ સુપર કિંગ્સના અવેજી ખેલાડીઓ: શિવમ દુબે, મોઈન અલી, શેખ રાશિદ, મિશેલ સેન્ટની, નિશાંત સિંધુ.
