T20 World Cup 2026: ભારત અને શ્રીલંકા યજમાન, કુલ 20 ટીમો રમશે T20 વર્લ્ડ કપ 2026
T20 World Cup 2026: 2026 T20 વર્લ્ડ કપ માટે તજજ્ઞો અને ક્રિકેટ ચાહકોમાં ઉત્સાહ વધી રહ્યો છે. આગામી વર્ષે ભારત અને શ્રીલંકા સંયુક્ત રીતે આ મега ઇવેન્ટનું આયોજન કરવા જઈ રહ્યા છે. આ ટૂર્નામેન્ટમાં કુલ 20 ટીમો ભાગ લેશે, જેમાંથી 13 ટીમો હાલમાં સુધી ક્વોલિફાય થઈ ચુકી છે. બાકીની 7 ટીમો માટે ક્વોલિફાયિંગ ટૂર્નામેન્ટ યોજાશે.
આ ટીમો પહેલા જ ક્વોલિફાય થઈ ચૂકી છે
T20 વર્લ્ડ કપ 2026 માટે હવે સુધી જે 13 ટીમો ક્વોલિફાય થઈ છે તેમાં યજમાન દેશો ભારત અને શ્રીલંકા સહિત, 2024ના વર્લ્ડ કપમાં ટોચ-8માં સ્થાન મેળવનાર ટીમોનો સમાવેશ થાય છે. આ ટીમો છે:
ભારત (યજમાન)
શ્રીલંકા (યજમાન)
ઓસ્ટ્રેલિયા
ઈંગ્લેન્ડ
ન્યૂઝીલેન્ડ
પાકિસ્તાન
દક્ષિણ આફ્રિકા
બાંગ્લાદેશ
અફઘાનિસ્તાન
વેસ્ટ ઈન્ડિઝ
યુનાઇટેડ સ્ટેટ્સ
આયર્લેન્ડ
કેનેડા (અમેરિકા રિજનલ ક્વોલિફાયર વિજેતા)
બાકી કેટલી ટીમો ક્વોલિફાય થશે અને કેવી રીતે?
હવે 7 ટીમો ક્વોલિફાય થવાની બાકી છે, જે પ્રાદેશિક ક્વોલિફાયર ટૂર્નામેન્ટ દ્વારા પસંદ થશે. આ પસંદગી પ્રક્રિયા નીચે પ્રમાણે હશે:
આફ્રિકા ક્ષેત્રમાંથી – 2 ટીમો
એશિયા અને પૂર્વ એશિયા-પેસિફિકમાંથી – 3 ટીમો
યુરોપમાંથી – 2 ટીમો
આ ક્વોલિફાયર ટૂર્નામેન્ટ્સ 2025ની મધ્યમાં યોજાવાની સંભાવના છે.
વિશ્વ વિજેતા ભારત – છેલ્લી વખતનો ચેમ્પિયન
2024માં યોજાયેલા છેલ્લાં T20 વર્લ્ડ કપમાં ભારતે દક્ષિણ આફ્રિકાને ફાઈનલમાં હરાવીને વિશ્વ ચેમ્પિયન બનવાનું ગૌરવ મેળવ્યું હતું. હવે ઘરઆંગણે વર્લ્ડ કપ જીતવા માટે ટીમ ઈન્ડિયા ફરી એક વાર મજબૂત તૈયારી સાથે મેદાનમાં ઉતરશે.
