Team India New Coach: ચેમ્પિયન્સ ટ્રોફી પહેલા BCCI કરી શકે છે મોટો ફેરફાર, સીતાશુ કોટકને મળી શકે છે બેટિંગ કોચની જવાબદારી
Team India New Coach ભારતીય ક્રિકેટ ટીમના કોચિંગ સ્ટાફમાં ફેરફારની શક્યતાઓ વધી ગઈ છે. ટીમ ઈન્ડિયાની તાજેતરની ટેસ્ટ હાર બાદ કોચિંગ સ્ટાફ પર પ્રશ્નો ઉભા થયા છે, અને હવે એવા અહેવાલો છે કે બીસીસીઆઈ આગામી થોડા અઠવાડિયામાં મોટા ફેરફારો કરી શકે છે. અહેવાલો અનુસાર, BCCI સિતાંશુ કોટકને સિનિયર ભારતીય ટીમના બેટિંગ કોચ તરીકે નિયુક્ત કરવાનું વિચારી રહ્યું છે.
Team India New Coach સિતાંશુ કોટકની ક્રિકેટ કારકિર્દી શાનદાર રહી છે, અને હાલમાં તેઓ ઇન્ડિયા A ના મુખ્ય કોચ છે. તેમના કોચિંગ હેઠળ, ઇન્ડિયા એ ટીમે શાનદાર પ્રદર્શન કર્યું છે અને ઘણા પ્રવાસોમાં સફળતા મેળવી છે. જો BCCI સીતાશુને ટીમ ઈન્ડિયાના બેટિંગ કોચ બનાવે છે, તો તેમને ચેમ્પિયન્સ ટ્રોફી 2025 પહેલા આ જવાબદારી મળી શકે છે.
BCCIએ તાજેતરમાં કોચિંગ સ્ટાફના પ્રદર્શન પર એક સમીક્ષા બેઠક યોજી હતી,
BCCIએ તાજેતરમાં કોચિંગ સ્ટાફના પ્રદર્શન પર એક સમીક્ષા બેઠક યોજી હતી,જેમાં ઘણા મહત્વપૂર્ણ મુદ્દાઓ પર ચર્ચા કરવામાં આવી હતી. ટીમ ઈન્ડિયાને તાજેતરમાં ન્યુઝીલેન્ડ અને ઓસ્ટ્રેલિયા સામેની ટેસ્ટમાં હારનો સામનો કરવો પડ્યો હતો, જેના કારણે કેપ્ટન રોહિત શર્મા અને મુખ્ય કોચ ગૌતમ ગંભીરને ટીકાનો સામનો કરવો પડ્યો હતો. આ પછી, BCCI આ ફેરફાર પર ગંભીરતાથી વિચાર કરી રહ્યું છે.
સીતાશુ કોટકની કોચિંગ કારકિર્દી પણ ખૂબ પ્રભાવશાળી રહી છે.
તેમણે સૌરાષ્ટ્રના કોચ તરીકે સફળતા મેળવી અને બાદમાં રાષ્ટ્રીય ક્રિકેટ એકેડેમીમાં બેટિંગ કોચ તરીકે સેવા આપી. તેમની મહેનત અને કોચિંગ કૌશલ્યને જોઈને, BCCI એ તેમને ઈન્ડિયા A ના મુખ્ય કોચ તરીકે નિયુક્ત કર્યા. તે છેલ્લા ચાર વર્ષથી ઇન્ડિયા એ સાથે છે અને બાંગ્લાદેશ, દક્ષિણ આફ્રિકા અને ઓસ્ટ્રેલિયા જેવા દેશોમાં ટીમનું નેતૃત્વ કરી ચૂક્યો છે. આ ઉપરાંત, તેઓ IPL ટીમ ગુજરાત લાયન્સનો સહાયક કોચ પણ રહી ચૂક્યા છે.
જો સીતાશુ કોટકને બેટિંગ કોચની જવાબદારી સોંપવામાં આવે તો ટીમ ઈન્ડિયા માટે આ એક મોટો ફેરફાર હોઈ શકે છે. જોકે, BCCI તરફથી હજુ સુધી આ અંગે કોઈ સત્તાવાર માહિતી આવી નથી, પરંતુ આગામી દિવસોમાં આ ફેરફાર અંગે સ્પષ્ટ માહિતી મળી શકે છે.
