Team India Victory Parade: ટીમે 17 વર્ષની લાંબી રાહ બાદ T20 વર્લ્ડ કપનો ખિતાબ જીત્યો. વર્ષ 2007માં મહેન્દ્ર સિંહ ધોનીની કપ્તાનીમાં ટીમ ઈન્ડિયાએ પ્રથમ T20 વર્લ્ડ કપનો ખિતાબ જીત્યો હતો અને હવે 2024માં રોહિત શર્માની કેપ્ટન્સીમાં ભારતે બીજી વખત આ ટ્રોફી પર કબજો કર્યો છે.
ભારતીય ટીમ T20 વર્લ્ડ કપ 2024નો ખિતાબ જીતીને આજે એટલે કે 4 જુલાઈએ બાર્બાડોસથી દિલ્હી પહોંચી હતી. સવારે એરપોર્ટ પર ઉતર્યા બાદ હોટલ આઈટીસી મૌર્યમાં રોકાયા હતા. અહીંથી થોડા સમય બાદ ભારતીય ટીમ સપોર્ટ સ્ટાફ સાથે પીએમ મોદીને મળવા માટે તેમના નિવાસસ્થાને પહોંચી હતી. જ્યાં બીસીસીઆઈએ પીએમ મોદીને નમો-1 જર્સી ભેટમાં આપી હતી. હવે ભારતીય ટીમ મુંબઈ પહોંચી ગઈ છે.
ટી20 વર્લ્ડ કપ 2024માં ટીમ ઈન્ડિયાએ શાનદાર પ્રદર્શન કર્યું હતું.
ફાઈનલ મેચમાં ભારતે દક્ષિણ આફ્રિકાને 7 રને હરાવીને 17 વર્ષ બાદ T20 વર્લ્ડ કપનો ખિતાબ જીત્યો હતો. ચેમ્પિયન બન્યા બાદ બાર્બાડોસમાં ચક્રવાતને કારણે ટીમ ત્યાં જ અટકી ગઈ હતી અને ત્યારબાદ BCCI સેક્રેટરી જય શાહે ટીમ ઈન્ડિયાને સ્પેશિયલ ચાર્ટર ફ્લાઈટ દ્વારા દિલ્હી મોકલી હતી. ચેમ્પિયન બન્યા બાદ દિલ્હી પહોંચેલી ભારતીય ટીમનું આજે સવારે એરપોર્ટ પર ભારે ઉત્સાહ સાથે સ્વાગત કરવામાં આવ્યું હતું. ટીમ ઈન્ડિયાના ખેલાડીઓ અને ટ્રોફીની એક ઝલક મેળવવા ચાહકો ઉત્સુક હતા.
વિરાટે રોહિતને ટ્રોફી આપી
ટીમ ઈન્ડિયા વાનખેડે સ્ટેડિયમની નજીક છે. બસ સ્ટેડિયમની નજીક પહોંચી કે તરત જ વિરાટ કોહલીએ રોહિત શર્માને વર્લ્ડ કપની ટ્રોફી આપી.
રોહિત-રાહુલની જોડી
વિજય પરેડ દરમિયાન એક સમયે રોહિત શર્મા અને રાહુલ દ્રવિડ સાથે જોવા મળ્યા હતા. ફેન્સને જોતાની સાથે જ રાહુલ અને રોહિતે હાથ મિલાવ્યા અને ચાહકો તરફ તેમની ઉત્સાહી સ્ટાઈલ બતાવી. બંનેએ એકબીજાને આલિંગન આપ્યું.
