શું દુબઈમાં યોજાશે IPLની મેચો?, UAE ક્રિકેટ બોર્ડે BCCIને આપી ઓફર

આઈપીએલની 13મી સીઝન આ વર્ષે રમાશે કે નહીં તે હજુ પણ નિશ્ચિત નથી. ત્યારે હવે અમીરાત ક્રિકેટ બોર્ડ(ECB)એ બીસીસીઆઈ(BCCI)ને ઓફર આપી છે કે તેઓ આ વર્ષની IPL ગેમ દુબઈમાં આયોજન કરી શકે છે. આ વર્ષે IPL 29 માર્ચના રોજ શરૂ થવાની હતી પરંતુ વૈશ્વિક મહામારી કોરોના વાયરસને કારણે તેને અનિશ્ચિતકાળ માટે સ્થગિત કરવી પડી. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો ચર્ચા એવી પણ થઈ રહી છે કે બીસીસીઆઈ ટી20 વર્લ્ડકપ સ્થગિત થતા ઓક્ટોબર-નવેમ્બરમાં ખાલી પડેલા વિન્ડોમાં પોાતની આ લીગનું આયોજન કરી શકે છે. કોવિડ-19ને કારણ આ વર્ષે ઓસ્ટ્રેલિયામાં આયોજિત થનારા ટી-20 વર્લ્ડ કપ પણ અટકી ગયો છે. યૂએઈ ક્રિકેટ બોર્ડના મહાસચિવ મુબાશશિર ઉસ્માનીએ એક સ્થાનીક સમાચારને કહ્યું કે, ‘ભૂતકાળમાં પણ અમીરાત ક્રિકેટ બોર્ડ આઈપીએલનું યૂએઈમાં સફળ આયોજન કરી ચૂક્યું છે. અમારી પાસે અનેક દ્વિપક્ષીય સીરીઝને તટસ્થ સ્થાન પર સફળ આયોજનનો અનુભવ છે. એટલા માટે અહીં IPLનું આયોજન કરવામાં કોઈ મુશ્કેલી નહીં આવે.’ તેમણે કહ્યું કે, ‘આ લીગના સફળ આયોજન માટે અમારી પાસે જ ઉપલબ્ધ સુવિધા છે તે ઉચ્ચ કક્ષાની છે અને એટલા માટે જ અમે આ લીગની યજમાની કરવા માટે તૈયાર છીએ.’ ઉસ્માનીએ જણાવ્યું કે અમીરાત ક્રિકેટ બોર્ડે ઈંગ્લેન્ડ અને વેલ્સ ક્રિકેટ બોર્ડના ઈંગ્લિશ સીઝનની બાકી મેચ અહીં પૂરી કરવાની ઓફર આપી છે.