દક્ષિણ દિલ્હીના ગ્રેટર કૈલાશ વિસ્તારમાં ભાજપના યુવા જિલ્લા મહામંત્રીએ આત્મહત્યા કરી લીધી છે. બીજેપી નેતા કરણ બાંકાએ પોતાની પીએસઓની પિસ્તોલથી પોતાને ગોળી મારી દીધી. જે બાદ તેમનું મોત થયું હતું.
વાસ્તવમાં, પોલીસને અગાઉ માહિતી મળી હતી કે કરણ બંકા બાથરૂમમાં લપસી ગયો હતો અને તેને માથામાં ઈજા થઈ હતી. જે બાદ તેને મેક્સ હોસ્પિટલમાં દાખલ કરવામાં આવ્યો છે. પરંતુ જ્યારે પોલીસ ટીમ મેક્સ હોસ્પિટલ પહોંચી તો જાણવા મળ્યું કે કરણે બાથરૂમમાં જ ગોળી મારી લીધી છે.
તપાસ દરમિયાન પોલીસને ખબર પડી કે કરણે જે પિસ્તોલનો ઉપયોગ આત્મહત્યા કરવા માટે કર્યો હતો તે તેના પીએસઓની હતી. આ સાથે એ પણ બહાર આવ્યું કે કરણ બંકા આ દિવસોમાં આર્થિક તંગીમાંથી પસાર થઈ રહ્યો હતો. હાલ પોલીસ દરેક એંગલથી આ મામલાની તપાસ કરી રહી છે.
