દિલ્હીના એક જ્વેલરી શોરૂમમાં કરોડોની ચોરીનો મામલો સામે આવ્યો છે. આ મામલો ભોગલ વિસ્તારમાં સ્થિત ઉમરાવ જ્વેલર્સનો છે. અહીં મોડી રાત્રે ચોરે જ્વેલરીનો આખો શોરૂમ સાફ કરી નાખ્યો હતો. આ સમયગાળા દરમિયાન ઉમરાવ જ્વેલર્સમાં 20 થી 25 કરોડ રૂપિયાની ચોરી થઈ હતી.
કહેવામાં આવી રહ્યું છે કે ચોર દિવાલ તોડીને શોરૂમના લોકરમાં પહોંચ્યા હતા. આ ચોરીને અંજામ આપવા માટે ચોર શોરૂમના ચોથા માળેથી છતના તાળા તોડી નીચે ઉતર્યા હતા. ત્યારપછી સ્ટ્રોંગ રૂમની દિવાલમાં કાણું પાડી સીસીટીવી કનેક્શન કાપી નાખવામાં આવ્યા હતા.
મળતી માહિતી મુજબ રવિવારે સાંજે શોરૂમના માલિકે શોરૂમ બંધ કરી દીધો હતો. બીજા દિવસે એટલે કે સોમવારે શોરૂમ બંધ રહે છે. આજે સવારે જ્યારે શોરૂમ ખુલ્યો ત્યારે ચોરીની ઘટના પ્રકાશમાં આવી, ત્યારબાદ પોલીસને જાણ કરવામાં આવી. આ મામલાની માહિતી મળતા જ નિઝામુદ્દીન પોલીસ સ્ટેશનની પોલીસ ઘટના સ્થળે પહોંચી ગઈ હતી. હાલ પોલીસ અને ક્રાઈમ બ્રાન્ચ શો રૂમની અંદર છે. પોલીસ શોરૂમમાં લાગેલા સીસીટીવી કેમેરાને સ્કેન કરી રહી છે.
