આ સમયે દેશભરમાં રાજકીય ગરમાગરમીનો માહોલ છે. નેતાઓ એકબીજા પર જોરદાર નિવેદનો આપી રહ્યા છે. એકબીજા સામે વિરોધ પ્રદર્શન કરી રહ્યા છે. ક્યાંક રસ્તાઓ બ્લોક કરવામાં આવી રહ્યા છે તો સંસદમાં પણ કાર્યવાહી થઈ રહી નથી. ગૃહની કામગીરી ન થવા માટે સરકાર વિપક્ષને દોષી ઠેરવી રહી છે ત્યારે વિપક્ષ સરકારને દોષી ઠેરવી રહ્યો છે.
‘કોંગ્રેસ અધ્યક્ષ ભ્રષ્ટાચાર સામે લડવાની વાત કરે છે પણ…’
આ દરમિયાન ભારતીય જનતા પાર્ટીના સાંસદ રાજ્યવર્ધન સિંહ રાઠોડે કોંગ્રેસ અધ્યક્ષ મલ્લિકાર્જુન ખડગે પર ટોણો માર્યો છે. તેમણે કહ્યું કે કોંગ્રેસ અધ્યક્ષ ભ્રષ્ટાચાર સામે લડવાની વાત કરી રહ્યા છે, તો પહેલા તેમણે સોનિયા અને રાહુલ ગાંધી સામે લડવું પડશે. તેમણે ટ્વીટમાં લખ્યું, “આજે, ખડગે જી બોલી તો ગયા કે ભ્રષ્ટાચાર સામે લડશે! લડશે કેવી રીતે? પછી તો તેમણે સોનિયા જી અને રાહુલ ગાંધી સામે લડવું પડશે, ભ્રષ્ટાચારનો ડાઘ તો ત્યાંથી શરૂ થઈ રહ્યો છે; ₹5000 કરોડના નેશનલ હેરાલ્ડ કૌભાંડમાં બંને જામીન પર છે.”
અમે અન્યાય સામે લડી રહ્યા છીએ – મલ્લિકાર્જુન ખડગે
જણાવી દઈએ કે આ પહેલા આજે સોમવારે ગૃહની અંદર જતા મલ્લિકાર્જુન ખડગેએ કહ્યું કે અમે અન્યાય સામે લડી શકીએ છીએ અને અમે તેની સામે લડી પણ રહ્યા છીએ. તેમણે કહ્યું કે સરકાર નથી ઈચ્છતી કે અદાણી મુદ્દે જેપીસીની રચના થાય અને તેની તપાસ થાય. અમે આની માંગ કરી રહ્યા છીએ. ખડગેએ કહ્યું કે સરકારના લોકો અગાઉથી પ્લાન કરીને આવે છે કે ગૃહને ચાલવા ન દેવામાં આવે અને તેઓ ગૃહમાં હોબાળો કરીને ગૃહને સ્થગિત કરાવી દે છે.
