કોંગ્રેસ-પાસ વચ્ચે અગત્યનીમાં મીટીંગ થયો આ નિર્ણય..

ગાંધીનગરઃ ગુજરાત કોંગ્રેસ પક્ષે આજે સ્પષ્ટ રીતે પાટીદાર અનામત આંદોલન પ્રત્યે તેમનું વલણ સ્પષ્ટ કરતાં પાટીદારોને અનામત આપવા વિશે હકારાત્મક અભિગમ અપનાવ્યો છે. ગુજરાત પ્રદેશ કોંગ્રેસ સમિતિ (જીપીસીસી)ના અધ્યક્ષ શુક્રવારે પાટીદાર અનામત આંદોલન સમિતિ (પાસ)ના કનવીનરોને મળીને આ બાબતે તેમનું વલણ જણાવ્યું હતું અને આ જ બાબતને લઈને પાર્ટી કેવી રીતે ગુજરાતમાં આગળ વધશે તેના માટે શનિવારે દિલ્હી હાઈકમાન્ડ જોડે જઈને રજૂઆત કરશે. પાસના ત્રણ કન્વીનર દિનેશ બાંભણિયા, વરૂણ પટેલ અને મનોજ પટેલએ આજે જીપીસીસીના અધ્યક્ષ ભરત સોલંકી સાથે તેમના નિવાસ સ્થાને મીટીંગ કરી હીત. જેમાં તેમણે પાટીદાર ચળવળની ચાર માગણીઓની રજૂઆત કરી હતી. તેમની રજૂઆતોમાં મુખ્યત્વે પહેલી માગણી એ હતી કે પાટીદારોને અનામત આપવામાં આવે, બીજું કે 2015 ઓગસ્ટમાં જીએમડીસી ગ્રાઉન્ડ ખાતે પાટીદારો પર પોલીસ દ્વારા કરવામાં આવેલા જૂલ્મમાં જવાબદાર પોલીસ અધિકારીઓ સામે કાયદાકીય પગલા લેવા, ત્રીજી બાબત હતી કે આ દરમ્યાન પોલીસ દમનમાં શહિદોને વળતર ચૂકવવા અને પાટીદાર માટે એક અલગ આયોગની રચના કરવા બાબતે પણ તેમણે રજૂઆત કરી હતી.