ભારતીય શેરબજારોમાં જોરદાર તેજી

દેશ માં હાલ ચારે તરફ ચૂંટણીઓ અને તેના પરિણામો અંગે ની વ્યાપક ચર્ચા છે ત્યારે તેની સીધી અસર પાંચ રાજ્યોની વિધાનસભાની ચૂંટણીના પરિણામો જાહેર થયા બાદ આજે ભારતીય શેરબજાર ઉપર પણ જોવા મળી રહી છે. જે પરિણામો જાહેર થયા તેમાં ઉત્તર પ્રદેશ અને ઉત્તરાખડમાં ભાજપને જંગી બહુમતી મળી જ્યારે અન્ય બે રાજ્યોમાં પણ ભાજપની સરકાર બનવાની શક્યતાઓ છે. આજે બજાર ખુલતા જ 50 શેરોના નિફ્ટી સૂચકઆંકે અત્યાર સુધીના તમામ રેકોર્ડ તોડતા 9100નો આંકડો પાર કર્યો. ચૂંટણી પરિણામો અને હોળી બાદ આજે બજાર ખુલતા સેન્સેક્સમાં 600 અંકોની તેજી જોવા મળી. રાજ્યમાં ભાજપ ગઠબંધન સાથે 325 બેઠકો લઈ આવ્યું જેના કારણે રોકાણકારો માં નવી આશા બંધાઈ છે.
શરૂઆતી કારોબારમાં સેન્સેક્સ 616 પોઈન્ટના ઉછાળા સાથે 29561.93ના સ્તરે જોવા મળ્યો હતો. જ્યારે નિફ્ટી રેકોર્ડ હાઈ સ્તરે એટલે કે 188 પોઈન્ટ ઉછળીને 9122.75ના સ્તરે પહોંચ્યો હતો.આશા મુજબ રૂપિયો પણ છેલ્લા એક વર્ષમાં સૌથી મજબુત સ્થિતિમાં એટલે કે 43 પૈસાના વધારા સાથે ડોલર સામે તે 66.17ના સ્તરે જોવા મળ્યો. બજાર ના સૂત્રો ના મત મુજબ ઉત્તર પ્રદેશમાં ભાજપની જંગી બહુમતીના પગલે આ ઉછાળો જોવા મળ્યો છે.
નોંધનીય છેકે ,યુપી વિધાનસભાની ચૂંટણીમાં ભાજપની જબરદસ્ત જીતને પગલે બજાર વિષ્લેષકોએ અનુમાન લગાવ્યું હતું કે ભારતીય શેરબજારોમાં જોરદાર તેજી જોવા મળી શકે છે. કોટક સિક્યુરિટીઝના એસોસિએટ વાઈસ પ્રેસિડેન્ટ અનિંદ્ય બેનરજીએ કહ્યું હતું કે ભાજપની જીતથી આગામી સપ્તાહે શેરબજારોમાં તેજીનું વલણ જોવા મળશે.તેમ માનવામાં આવી રહ્યું છે, હાલ માં તેજી ના માહોલ થી શેર બજાર માં ફરી થી નવી આશાઓ સાથે ધમધમાટ શરૂ થઈ જતા બજાર સાથે સંકળાયેલા લોકો માં દિવાળી નો માહોલ જોવા મળી રહ્યો છે