મુસ્લિમ સમાજમાં મહિલાઓ તીન તલાકના વિરોધ બાદ હવે હલાલ સેક્સ ગાઈડ બહાર આવતા વિવાદોનો મધપૂડો છેડાયો છે. મુસ્લિમ સમાજ આ સ્વીકારશે? એવા પ્રશ્નો પણ ઉઠી રહ્યા છે. હવે મુસ્લિમ મહિલાઓ માટે પણ સેક્સ ગાઈડ આવી ગઈ છે. ખાસ વાત એ છે કે તે ‘હલાલ સેક્સ’ ગાઈડ છે. આ પુસ્તકની મુસ્લિમ લેખિકા તો એવો જ દાવો કરી રહ્યા છે.
ગત સપ્તાહ બહાર પડેલા આ પુસ્તકે ખાસ કરીને મુસ્લિમ સમાજમાં સેક્સ લઈને એક ચર્ચા ઊભી કરી દીધી છે. પુસ્તક ‘ધ મુસ્લિમાહ સેક્સ મેન્યુઅલ: અ હલાલ ગાઈડ ટૂ માઈન્ડ બ્લોઈંગ સેક્સ’ ટાઈટલથી એમેઝોન પર ઉપલબ્ધ છે. આ પુસ્તકની લેખિકાએ હાલ પોતાની ઓળખ છૂપાવી રાખી છે. તેમણે ‘ઉમ મુલાધત’ના નામે આ પુસ્તક લખ્યું છે. કહેવાઈ રહ્યું છે કે, ‘હલાલ સેક્સ’ અને પરણિત મુસ્લિમ મહિલાઓને સેક્સ શીખવતું આ પુસ્તક પોતાની રીતનું પહેલું પુસ્તક છે. સવાલ એ છે કે, આખરે લેખિકાને ‘હલાલ સેક્સ’ ગાઈડ લખવાની જરૂર કેમ પડી? તેના જવાબ છે મુસ્લિમ સમાજમાં સેક્સ અંગેના પ્રતિબંધો. લેખિકાએ આ પુસ્તક વિશે પોતાની વેબસાઈટ પર લખ્યું છે. તેમણે પોતાની એક મુસ્લિમ બહેનપણીના લગ્નનો ઉલ્લેખ કર્યો છે, જે પોતાની સગાઈ દરમિયાન ઘણી ખુશ નજર આવી રહી હતી. લગ્નના થોડા દિવસો બાદ જ્યારે લેખિકા તેમની બહેનપણીને મળી તો તેના ચહેરા પર ખુશી જોવા મળતી ન હતી. વાતચીત દરમિયાન એ બહેનપણીએ સ્વીકાર્યું કે તેની સેક્સ લાઈફ ના બરાબર છે. લેખિકાની બહેનપણી મેડિકલ ફિલ્ડની હતી અને સ્ત્રી-પુરુષના શરીર વિશે તેને પુરું જ્ઞાન હોવા છતાં આવું હતું. લેખિકા મુજબ, તેને સેક્સ વિશે જાણકારી ન હતી. પોતાની વેબસાઈટમાં આ અંગે લેખિકાએ લખ્યું છે કે, ‘ઓહ, તે મકેનિક્સ (સેક્સ પ્રક્રિયા) જાણતી હતી. પરંતુ તે એ જાણતી ન હતી કે કેવી રીતે તેના પતિને તડપાવે. તે નહોતી જાણતી કે પતિને શું પસંદ છે. તેને પોતાની પસંદ પણ નહોતી ખબર.’ તે પછી લેખિકાએ પોતાના લગ્ન જીવન દરમિયાનના સેક્સ અનુભવોને તેને જણાવ્યા. લેખિકાએ સેક્સને લઈને બધી જાણકારીઓ પોતાની બહેનપણી સાથે શેર કરી. લેખિકા મુજબ એક મહિના પછી જ્યારે તેમની બહેનપણી ફરી મળી તો તેના ચહેરા પર ખુશી છલકાઈ રહી હતી. બહેનપણીએ ત્યારે લેખિકાને કહ્યું કે, આ બધી વાતો લખો અને મુસ્લિમ છોકરીઓ સાથે શેર કરો. લેખિકાએ બધું લખીને એક વર્ડ ડોક્યુમેન્ટ બનાવ્યો અને પોતાની બહેનપણીને મોકલ્યો. બહેનપણીએ એ ડોક્યુમેન્ટને બીજી નવ પરણિત બહેનપણીઓ સાથે શેર કર્યો. તે પછી લેખિકાને પુસ્તક લખવા કહેવામાં આવ્યું. આ રીતે પુસ્તકનો આધાર તૈયાર થયો. લેખિકાએ ઘણી બોલ્ડ બાબતોનો ઉલ્લેખ કર્યો છે.