વલસાડ પાલિકાની બેદરકારી ઃ ધૂળ સાફ કરવાનું મશીન જ ધૂળ ખાય છે..!

વલસાડ નગર પાલિકાના જવાબદાર લોકોના કામ જ એવા હોય છે કે તેઓ પોતાની લાપરવાહી અને બુધ્ધીના પ્રદર્શનથી સતત વિવાદ ઉભો કરતા રહે છે છેલ્લા ઘણા જ સમયથી એક યા બીજા પ્રકરણમાં સતત વિવાદ ઉભો કરનાર પાલિકામાં એક એવી વાત ધ્યાને આવી છે કે અહી શહેરના રસ્તા સાફ કરવા માટે લાવવામાં આવેલા મશીનના યોગ્ય ઉપયોગના અભાવે આ મશીન હાલમાં ધૂળ ખાતી હાલતમાં  જોવા  મળી રહ્યું છે.
નગરના રસ્તા સાફ કરવાના ઉદેશ્યથી લાવવામાં આવેલ આ મશીન બે માસ કરતા વધુ સમયથી ધૂળ ખાતી હાલતમાં પડી રહ્યું છે તે જોતા નગર પાલિકાના જવાબદારોની લાલીયાવાડી રહી છે આ વાત ગંભીર પણ છે અગાઉ બોટ માટે પણ આ પ્રકારના સવાલો ઉઠવા પામ્યા હતા અને મિડીયામાં વાતો ઉછળી હતી. વલસાડ નગર પાલિકાની પોલમપોલને લઇને વલસાડ પાલિકા ભારે જાણીતું બની ગયું છે છેલ્લા ઘણા જ વખતથી કંઇક સત્તાધિશો બદલાઇ ગયો હોવા છતાં પણ નગરની હાલત ઠેરની ઠેર રહેવા પામી છે વિકાસની વાતો કરતા તંત્ર વાહકો આધુનિકતા સાથે તાલમેલ મિલાવવા માટે નવા સાધનો તો વસાવી રહ્યા છે પરંતુ તેનો ઉપયોગ કરવાની બેદરકારી ગંભીર બનતી જાય છે ત્યારે જનતા જનાર્દનમાં આ બધી વાતો હવે ચર્ચાનો વિષય બની રહી છે ત્યારે નગર પાલિકાનું તંત્ર જાગે અને કામ કરે તેવી માંગ ઉઠવા પામી છે.