દેશમાં વાહનો દ્વારા ફેલાતા પ્રદૂષણની સમસ્યા ઓછી કરવા માટે કેન્દ્ર સરકારે વ્હિકલ સ્ક્રેપિંગ પોલિસી જાહેર કરવામાં આવી છે. જેમાં જૂન કારનું ભંગારમાં વેચીને નવી કાર ખરીદશો તો તેમાં કેટલાંક ટકા ડિસ્કાઉન્ટ મળશે.
કેન્દ્રીય રોડ ટ્રાન્સપોર્ટ અને હાઇવે મંત્રી નીતિન ગડકરીએ તાજેતરમાં જણાવ્યુ હતું કે જૂની કાર અને અન્ય વાહનોને ભંગારમાં આપવા માગતા લોકો માટે નવી સ્ક્રેપિંગ પોલિસીમાં સારી જોગવાઇ છે. જૂની કારને ભંગારમાં આવી નવી કાર લેવામાં આવશે તો નવી કાર પર પાંચ ટકા સુધીની છૂટ મળશે. જો કે મોંઘી અને લક્ઝુરિયસ કારમાં ફરતા મંત્રી આવી રીતે સહજતાથી કારને ભંગારમાં આપવાની વાત કરે તે સ્વાભાવિક છે, પરંતુ મોટાભાગના ભારતીયો જૂની કારને વેચવાનું અને ખરીદવાનું પસંદ કરે છે.
ટ્રાન્સપોર્ટ પ્રધાન ગડકરીએ આજે એક નિવેદમાં કહ્યું હતું કે સ્ક્રેપિંગ પોલિસી વિવિધ પરિમાણોને ધ્યાનમાં રાખીને તૈયાર કરવામાં આવી છે. પ્રદૂષણ ફેલાવતા વાહનો પર ગ્રીન ટેક્સ તેમજ જૂની કારને ભંગાર કરી નવી કાર લેનારા લોકોને ડિસ્કાઉન્ટી જોગવાઇ કરવામાં આવી છે. આ ઉપરાંત વાહનો માટે દેશભરમાં ઓટોમેટિક ફિટનેસ સેન્ટર ઉભી કરવામાં આવશે.
આ સેન્ટ પી.પી.પી. ધોરણે ઉભા કરવામાં આવશે. જેમાં હાથ ધરાતા ફિટનેસ ટેસ્ટમાંથી દરેક વાહને પસાર થવાનું રહેશે. ફિટનેસ ટેસ્ટના આધારે વાહન પરનો ગ્રીન ટેક્સ નક્કી કરવામાં આવશે. આ ઉપરાંત આ ટેસ્ટ પાસ ન કરનારા વાહનોને રસ્તાઓ પર ચલાવી શકાશે નહીં. જો આ વાહનો ચલાવવામાં આવશે તો તેના માલિકને દંડ કરવામાં આવશે