નવી દિલ્હીઃ સપ્તાહના પહેલા દિવસ સોમવારે કિંમતી ધાતુ સોનાના ભાવ ઘટ્યા જ્યારે ચાંદીના વધ્યા હતા. આજે સોમવારે દિલ્હીના ઝવેરી બજારમાં સોનાનો ભાવ 141 રૂપિયા ઘટ્યો હતો અને ચાંદી માત્ર 43 રૂપિયા વધી હતી. આમ આજે દિલ્હીમાં સોનાનો ભાવ પ્રતિ 10 ગ્રામ દીઠ 48,509 રૂપિયા થયો હતો. તો ચાંદીનો ભાવ 66,019 રૂપિયા પ્રતિ એક કિલોગ્રામ થયો હતો. ઉલ્લેખનિય છે કે ગત સપ્તાહે શનિવારે દિલ્હીના ઝવેરી બજારમાં સોનાનો ભાવ પ્રતિ 10 ગ્રામ દીઠ 48,650 રૂપિયા થયો હતો તો ચાંદીનો ભાવ પ્રતિ એક કિલોગ્રામ દીઠ 65,976 રૂપિયો હતો.
આજે વૈશ્વિક બજારમાં સોનાનો ભાવ ઘટીને 1853.26 ડોલર પ્રતિ ટ્રોય ઔંસ થયો હતો. તો ચાંદીનો ભાવ સાધારણ ઘટાડે 25.55 ડોલર પ્રતિ ટ્રોય ઔંસ થયો હતો.
એચડીએફસી સિક્યોરિટીઝના સીનિયર એનાલિસ્ટો તપન પટેલનું કહેવુ છે કે વૈશ્વિક બજારમાં સોનાની કિંમતોમાં ઘટાડાની અસર ભારતીય બજારોમાં પણ પડી છે. તેની સાથે જ સોના –ચાંદીમાં હવે સ્થિરતાનો માહોલ છે. એવામાં બંને કિંમતી ધાતુઓના ભાવમાં મોટી વધ-ઘટ થઇ રહી નથી. તે ઉપરાંત હવે કોરોના વેક્સીનના વિતરણ અને રસીકરણ અભિયાનની કામગીરી ઝડપી થવાથી પણ કિંમતી ધાતુઓના ભાવ એકંદરે દબાણ હેઠળ રહ્યા છે.
ભારતના અન્ય શહેરોમાં સોના-ચાંદીના ભાવની વાત કરીયે તો આજે સોમવારે અમદાવાદના ઝવેરી બજારમાં સોનાનો ભાવ 51,200 રૂપિયા પ્રતિ 10 ગ્રામ દીઠના સ્તરે મક્કમ હતો જ્યારે ચાંદીના ભાવ 500 રૂપિયા વધીને પ્રતિ એક કિલોગ્રામ દીઠ 67,500 રૂપિયા થયો હતો.